«Եկել եմ ձեզ մի քիչ շեղեմ ձեր տոնածառի հանդեսից, դուք խայտառակ եղաք, պարո՛ն Մարության»,- ավագանու արտահերթ նիստում ելույթն այսպես սկսեց «Լույս» խմբակցության անդամ Անի Սամսոնյանը: Նրա խոսքով՝ քաղաքապետի հայտարարությունները և գործողությունները միմյանց չեն համապատասխանում, մասնավորապես աղբահանության ոլորտում երկրորդ օպերատոր ներգրավված չէ:
Սամսոնյանն ասաց. «Սանիթեքի» հարցը չի լուծվում: Ես այն եզրահանգմանն եմ գալիս, որ, պարո՛ն քաղաքապետ, Դուք չգիտեք՝ ինչպես լուծել այդ խնդիրը և անկարող եք քաղաքը մաքրել աղբից: Բոլոր քաղաքացիներին կոչ եմ անում ֆլեշմոբ անել: Ձեր անձնական էջին, գործնական էջին ամեն առավոտ, ամեն երեկո ուղարկել աղբի նկարներ: Դուք պետք է արթնանաք և քնեք աղբի նկարներով»: