«Առավոտ». Մարտի 1-ը շարունակելու է որպես սահմանագիծ մնալ

Մամուլ 28.02.2019   09:40   226

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

«Առավոտի» զրուցակիցն է «Իրավունք և ազատություն» կենտրոնի նախագահ Վարդան Հարությունյանը։

- Իշխանությունը մտադիր է մարտի 1-ին երթ անցկացնել։ Այդ քայլը քննադատվեց Նիկոլ Փաշինյանի ընդդիմախոսների կող­մից. կարծիք կա, որ «մարտի 1»-ը դառ­նում է հասարակական ջրբաժան, մինչդեռ ջանքերը պետք է ուղղվեն հասարա­կության միասնականությունը պահպանե­լուն: «Մարտի 1»-ին երթ անցկացնելու իշ­խանության քայլը, արդյոք, աոավելապես PR-ի նպատակ ունի, թե՞ այլ ասելիք և այլ խորհուդ կա այս ամենում:

- Անկախ ամեն ինչից մարտի 1-ը ջրբա­ժան է: Այլ կերպ լինել չէր էլ կարող, և հնարավոր չէ արհեստականորեն փոխել դրա այդպիսին լինելու բնույթը: Հասարա­կության միասնականություն ասվածն էլ միֆ է: Չկա նման բան ու չի էլ կարող լինել: Նման միասնականություն լինում է միայն կարճ ու կոնկրետ ժամանակահատվածում և մեկ առանձին վերցված հարցի շուրջ: Այդպես կարող է լինել մեծ ու լուրջ արհավիրքների ժամանակ կամ պատերազմական իրավիճակներում: Այն չի կա­րող լինել համատարած ու մշտական: Այս միֆի տակ ոմանք ցանկանում են մեկընդմիշտ թաղել իրենց սեփական անցյալը, որ մարդիկ չհիշեն, չանդրադառնան դրան, մոռացության մատնեն այն: Եվ առաջին հերթին, իհարկե, որպես իրենց կենսագրության արյունոտ հատված ցանկանում են մոռացության մատնել մարտի 1-ը: Բայց այն, բոլոր ջանքերից անկախ, ոչ մոռացվելու է և ոչ էլ թաղվելու է: Մար­տի 1-ը մեր նորագույն պատմության, և ոչ միայն նորագույն պատմության, ամենադրամատիկ դրվագներից մեկն է, եթե ոչ՝ ամենադրամատիկը և այն չի կարող մի կողմ դրվել: Հնարավոր չէ շարունակել մեր կյանքն առանց մարտի 1-ի: Անգամ, եթե մարտի 1-ի գործը ամբողջությամբ բացահայտվի, անգամ, եթե բոլոր շեշ­տերն իրենց տեղը դրվեն, կազմակերպիչները, մասնակիցները, կատարողները, մի խոսքով՝ բոլոր մեղավորները կանգնեն արդարադատության առաջ, կայացվեն դատավճիռներ՝ միևնույնն է, մարտի 1-ը մեր իրականության մեջ շարունակելու է որպես սահմանագիծ մնալ: Այն շարունակելու է ապրել: Այն չի մոռացվելու երբեք և ոչ մի պարագայում:

Երթի կազմակերպմանը նորմալ եմ վերաբերվում, դրա մեջ PR չեմ տեսնում: Լավ է, որ այն կազմակերպում են իշխանությունները: Սրանով նրանք ուզում են ասել, որ այսուհետ մարտի 1-ի տերը, մարտի 1-ին նախորդած, բուն մարտի 1-ին և դրան հաջորդած հանցագործության ողջ շղթայի բացահայտման պահանջատերը և գլխավոր շահառուն պետությունն է, այլ ոչ թե կամ ոչ միայն հասարակության այն հատվածը, որ տա­րիներ շարունակ այդ օրը երթ ու այլ միջոցառումներ է կազմակերպել:

- Ի դեպ, Նիկոլ Փաշինյանը հայտարա­րեց, որ «մարտի 1»-ը բացահայտված է: Կիսո՞ւմ եք այդ կարծիքը: Ռոբերտ Քոչարյանին «մեղավոր նշանակելով», ինչպես երկրորդ նախագահի պաշտպանական կողմն է բնութագրում, հարցը փակվո՞ւմ է:

- Ես չգիտեմ, թե ինչ նկատի ունի Նիկոլ Փաշինյանը, երբ հայտարարում է, թե մարտի 1-ը բացահայտված է: Մարտի 1-ը բացահայտվելու է ոչ թե հայտարարու­թյուններով, այլ դատական գործընթացով և կայացված դատավճռով/դատավճիռներով: Ինձ համար մարտի 1-ի բացահայտում նշանակում է, որ դատարանի առաջ են կանգնում կազմակերպիչները, իրակա­նացնողները և սրանց հարակից հայտնի և ոչ հայտնի բոլոր գործակիցները: Եր­բեք չեմ մտածել ու չեմ էլ մտածում, թե ծանրագույն այդ հանցագործության պա­տասխանատուն կարող է լինել մեկ մարդ: Բայց դեռ գործը դատարան չի հասել և մենք շատ բան չգիտենք: Ավելի առար­կայական կլինի խոսակցությունը, երբ մենք կիմանանք ավելին, քան գիտենք: Այս համատեքստում Նիկոլ Փաշինյանը, երևի, շատ ավելի տեղեկացված է և գու­ցե ունեցած տեղեկությունները նրան նման հայտարարություն անելու հնարա­վորություն տալիս են: Ինքս համբերատար դատավարությանն եմ սպասում: Միայն դրա ընթացքում ու դրա ավարտին է գոր­ծի բացահայտման կապակցությամբ հս­տակ գնահատականներ հնչեցնելու ու նախաքննությանը որակումներ տալու հնարավորության լինելու:

Ամբողջական՝ թերթի այսօրվա համարում

 Լուսանկարներ

  Կիսվեք սոցցանցերում


 Պիտակներ
         Մարտի 1, «Առավոտ», Վարդան Հարությունյան

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon