Արման Գալոյան. Ռուբեն Սահակյանը մշտապես կապված է եղել քոչարյանական թևի հետ

Հայաստան 08.12.2018   13:00   848

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Ռոբերտ Քոչարյանի պաշտպաններից Ռուբեն Սահակյանի անցյալն իրոք հետաքրքիր է: Ժամանակին նա եղել է «Դրոյի գործ»-ով մեղադրյալների պաշտպանը: Հետո նա եղել է «Առագաստ» սրճարանում Քոչարյանի թիկնազորի նախկին ղեկավար Աղամալ Հարությունյանի՝ «Կուկուի»  կողմից սպանված Պողոս Պողոսյանի իրավահաջորդների ներկայացուցիչը դատարանում: Եւ ինչպես վկայում է այն ժամանակվա մամուլը, Ռուբեն Սահակյանը ոչ այնքան միանշանակ պահվածք է ցուցաբերել այդ գործի շրջանակներում:  2002թ, Պողոս Պողոսյանի եղբորը՝ Անդրանիկ Պողոսյանին, ըստ իր իսկ տված հարցազրույցի («Շանթ» հեռուստաընկերություն, 19.02.2002թ.), Ռ.Սահակյանը հենց սկզբից համոզել էր, թե ոչ մի արդյունքի չի հասնի, քանի որ հասարակությունը պատրաստ չէ: Այսինքն՝ նախօրոք գիտեր, որ Ռ. Քոչարյանի թիկնապահի դեմ ցուցմունք տվող վկաներ դատարանում չեն լինելու:

Ռուբեն Սահակյանը նաեւ «Հոկտեմբերի 27»-ի գործով դատապաշտպաններից է. եղել է Ռոբերտ Քոչարյանի աշխատակազմի նախկին ղեկավար, «Հոկտեմբերի 27-ի գործ»-ով անցնող Ալեքսան Հարությունյանի փաստաբանը (հիշեցնենք՝ Ալեքսան Հարությունյանը սկզբում մեղադրյալի կարգավիճակով էր, բայց հետո դարձավ վկա), Սահակյանը նույն գործի շրջանակներում եղել է մյուս ամբաստանյալների փաստաբանը եւս: Եւ կրկին՝ այն ժամանակվա մամուլի հրապարակումների համաձայն, «Հոկտեմբերի 27»-ի գործով դատավարությանը ներկա եղած շատերն էին նկատել, որ Ռ. Սահակյանը ինչ-ինչ միջոցներով հուշարարի դեր էր կատարում մեղադրյալների համար: Իհարկե, Ռուբեն Սահակյանն այդ  գործի շրջանակներում նաեւ հայտարարել է, թե «չի բացառում դրդիչների գոյությունը», սակայն դրանց պետք չէ փնտրել Քոչարյանի իշխանության թեւում:

Ինչ-որ տարօրինակ զուգադիպությամբ նա մշտապես կապված է եղել քոչարյանական թեւի հետ, անգամ երբ Քոչարյանի հակառակորդներին է ներկայացրել դատարանում: Իսկ հիմա Ռուբեն Սահակյանը պաշտպանում է «Մարտի 1-ի գործ»-ի շրջանակներում ՀՀ-ում սահմանադրական կարգը տապալելու մեջ մեղադրվող Ռոբերտ Քոչարյանին:

Հ.Գ. Ի դեպ երեկ Ռուբեն Սահակյանը լրագրողի հարցին ադրբեջաներեն է պատասախանել: Հետաքրքիր է՝ ինչո՞ւ...

Արման Գալոյան

 
 Լուսանկարներ

  Կիսվեք սոցցանցերում


 Պիտակներ
         Ալեքսան Հարությունյան, Հոկտեմբերի 27, Դրոյի գործ, Ռոբերտ Քոչարյան, Արման Գալոյան, Պողոս Պողոսյան, Ռուբեն Սահակյան, Մարտի 1-ի գործ

 Նմանատիպ նյութեր

  НОВОСТИ ПАРТНЕРОВ
 Մեկնաբանություններ 0
Имя *:
Email:
Подписка:1
Код *:

Copyright © 2015 NewsLine. Design created by Fon