Բադալյան. Վերաքննիչը կրկին խախտել է Թունյանի ու նրա ընտանիքի անդամների սեփականության իրավունքը

Խոսք 08.10.2019   10:00   144

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Թիվ ԵԿԴ/5196/02/15 գործով 04/10/2019 թվականի որոշումն այն դատական ակտերից է, որ լրջորեն հեղինակազրկում է վերաքննիչ քաղաքացիական դատարանին:
Երբ խոսվում է մարդու իրավունքների էական ու կոպիտ խախտումների մասին, կարելի է այս դատական ակտը որպես դրա ցցուն օրինակ բերել:

Վերաքննիչ քաղաքացիական դատարանը մեկ անգամ ևս խախտել է Թունյանի ու նրա ընտանիքի անդամների սեփականության իրավունքը, որի պաշտպանության համար դեռևս 2005 թվականին դիմել էինք ՄԻԵԴ ու 2012 թվականին ստացել՝ միջազգային դատարանի կողմից մարդու իրավունքի խախտման փաստի ճանաչումը:

Չեմ կարծում, որ վերաքննիչ քաղաքացիական դատարանի այս որոշումը չիմացության, թյուրիմացության կամ ինչ-որ սխալի հետևանք է, այլ՝ հստակ ու նպատակաուղղված դիտավորությամբ ընդունված ապօրինի դատական ակտ է, քանի որ՝

1. Էմմա Թունյանը և ընտանիքի անդամները պետության/հանրության կարիքների անվան ներքո 2005 թվականի մայիսի 12-ին վտարվել են Երևանի Բուզանդի 9, թիվ 6 հասցեում գտնված իրենց սեփական տնից (89,25քմ)և (240քմ) հողամասից, իսկ դրա դիմաց առ այսօր չեն ստացել նախնական համարժեք փոխհատուցում:

2. Պետության/հանրության կարիքների համար անձի գույքը օտարելու համար նախնական համարժեք փոխհատուցում վճարելու պարտականությունը Հայաստանի Հանրապետությունը կրում է Սահմանադրությամբ և օրենքով, բանաձևն է՝ շուկայական արժեք գումարած դրա 15 տոկոսը: Նորից՝ Էմմա Թունյանն առ այսօր չի ստացել իր հարկադրաբար օտարված տան ու հողամասի համար նախնական համարժեք փոխատուցում:

3. Հենց պետության/հանրության կարիքների համար հարկադրաբար օտարված գույքի համար նախնական համարժեք փոխհատուցում ստանալու պահանջով էինք դիմել դատարան՝ ԵԿԴ/5196/02/15 գործ, որը առաջին ատյանի դատարանը արդարացիորեն ու հիմնավորված կերպով բավարարել էր 13/02/2019 թվականի վճռով, սակայն վերաքննիչ քաղաքացիական դատարանը հայցն անհիմն կերպով մերժեց ամբողջությամբ:

4. Թունյանը ու այլոք ընդդեմ Հայաստանի թիվ 22812/05 գործով Մարդու իրավունքների եվրոպական դատարանը վճռով ճանաչել է կոնվենցիայի 1 արձանագրության 1-ին հոդվածով սահմանված՝ սեփականության իրավունքի խախտում այն հիմքով, որ օտարումը «...օրենքով նախատեսված պայմաններով» չի կատարվել (#37) և հղում է տվել Սեմիրջյաննն ու մինասյանն ընդդեմ Հայաստանի թիվ 27651/05 վճռի 67-րդ պարբերությանը «67. Դատարանն, այնուհետև, կրկնում է, որ «օրենքով սահմանված պայմաններով» արտահայտությունն առաջին հերթին պահանջում է պատշաճ մակարդակի մատչելի և բավարար հստակ ներպետական իրավական նորմերի առկայություն և դրանց համապատասխանություն (տես, Lithgow and Others v. the United Kingdom, 8 հուլիս 1986թ., պարբ. 110, Սերիա Ա թիվ 102):
Հետևաբար, Թունյանն ընդդեմ Հայաստանի գործով նշանակված գումարը (30,000 եվրո) պետության «տուգանքն» է նրա համար, որ Կոնվենցիայով ստանձնած իր պարտավորությունը՝ պատշաճ մակարդակի մատչելի, բավարար հստակ ներպետական իրավական նորմեր չի ունեցել, այլ ոչ թե՝ գույքի օտարման համար նախնական համարժեք փոխհատուցում:

5. Մարդու իրավունքների եվրոպական դատարանը միջազգային դատարան է, որը քննում է պետության կողմից ՄԻԵԿ կոնվենցիայով և արձանագրություններով սահմանված՝ մարդու իրավունքների խախտման գործերը: Ավելի հստակեցնեմ՝ ՄԻԵԿ-ը անդամ երկրների ներպետական օրենսդրությամբ չի առաջնորդվում, այլ հետևում է կոնվենցիոն նորմերի պահպանությանը, իսկ նախնական համարժեք փոխհատուցում տրամադրելու կարգը ու չափը սահմանվում է բացառապես ներպետական օրենսդրությամբ: Այլ կերպ՝ Մարդու իրավունքների եվրոպական դատարանը 4-րդ ատյանի ներպետական դատարան չէ:
6. Որոշումը ստորագրած դատավորնե’ր, եթե Երևանի Բուզանդի 9, թիվ 6 հասցեում գտնված տունը (89,25քմ)և (240քմ) հողամասը ձերը լիներ ու 2005 թվականի մայիսին ձեզ ընտանիքով վտարեին տանից առանց հատուցման, 2013-ին եվրադատարանի կողմից իրավունքի խախտման համար նշանակած 30,000 եվրո "տուգանքը" պետությունը վճարեր ձեզ, իսկ հարկադրաբար օտարված տան ու հողամասի համար նախնական համարժեք փոխհատուցումը տալը ներպետական դատարանը 2019 թվականի հոկտեմբերի 4-ին այսպես ապօրինաբար մերժեր, ի՞նչ էիք ասելու կամ անելու:

Չասե՛ք, թե կարելի է կամ պետք է դիմել վճռաբեկ կամ նորից գնալ եվրադատարան, դրանց տեղը գիտենք:

Հայաստանի Հանրապետությունը պարտավոր է օր առաջ սեփական նախաձեռնությամբ ու անվերապահ կերպով հատկացնել Էմմա Թունյանին ու նրա ընտանիքի անդամներին՝ պետության/հանրության կարիքների համար հարկադրաբար օտարված գույքի նախնական համարժեք փոխհատուցում և դադարեցնել այդ ընտանքի ավելի քան 15 տարի շարունակվող իրավունքի խախտումները, զրկանքներն ու տառապանքները:

Կարապետ Բադալյան

 Լուսանկարներ

  Կիսվեք սոցցանցերում


 Պիտակներ
         վերաքննիչ դատարան, Կարապետ Բադալյան, Էմմա Թունյան

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon