Դավիթ Ջալալյան. Ահաբեկչական կրակոց Նոր Հայաստանի վրա․ Որտեղից է այն արձակվել

Խոսք 24.09.2019   17:50   297

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Նոր Հայաստանում իրականացվեց առաջին աղմկոտ քաղաքական սպանությունը, որը հղի է բավական լուրջ հետևանքներով: Ըստ նախնական վարկածի՝ ՀՀ նախկին ոստիկանապետ Հայկ Հարությունյանն ինքնասպան է եղել Բջնիում գտնվող իր ամառանոցում: Քաղաքական մոտիվներով ինքնասպանությունը, սակայն, ըստ էության դասական սպանություն է, որն իրագործվում է զոհի ձեռքով:

Հայկ Հարությունյանը Մարտի 1-ի գործով առանցքային վկա էր: Կասկածից վեր է, որ արյունալի հանցագործության վերջնական բացահայտման գործում Հարությունյանը կարող էր կարևոր դեր խաղալ: Հարությունյանի դեմ արձակված կրակոցը, որն իր մեջ նաև ահաբեկչական տարրեր է պարունակում նախազգուշացնող հարված էր ոչ միայն իշխանություններին, այլև պետության անվտանգությանը, վերջապես հասարակությանը:

Եկեք մի պահ պատկերացնենք թե ինչ հոգեվիճակում են այս պահին գտնվում Մարտի 1-ի գործով 800-ից ավելի վկաները, որոնք վաղը ցուցմունք են տալու դատարանում: Ի՞նչ ենթադրություններ և հետևություններ են անում նրանք հիմա:

Իսկ թե ում էր ձեռնտու Հայկ Հարությունյանի ֆիզիկական ոչնչացումը՝ կարծում եմ պարզ է բոլորին: Հարությունյանի մարտի 1-ի գործում ներգրավված լինելը խանգարում էր պետական հանցագործության գլխավոր կազմակերպիչներին: Հարությունյանի մահը ձեռնտու էր այն անձանց և խմբավորումներին, որոնք տարբեր դրդապատճառներով համախմբվել են «սև ճամբարի» դիրիժորի շուրջ:

Մարտի 1-ի գործով տուժողների իրավահաջորդների ներկայացուցիչ փաստաբան Սեդա Սաֆարյանը «aravot.am»-ին թղթակցի հետ զրույցում մասնավորապես ասել է․ Հայկ Հարությունյանը հայտնել էր, որ տեղյակ է Ռոբերտ Քոչարյանի միջոցառումից, ինչը խոսում է այն մասին, որ այդ ամենը անմիջական կապ ունի նաեւ Ռոբերտ Քոչարյանի հետ, այսինքն՝ Հայկ Հարությունյան-Ռոբերտ Քոչարյան եւ մյուս պետական պաշտոնյաների համատեղ գործունեության արդյունքում են ծնվել առավոտից մինչեւ երեկո ընթացող գործողությունները:

Ստեղծված իրավիճակում կարևոր եմ համարում սևեռվել մի իրողության վրա, որը պետական հանցագործությունների կոծկման հին, բայց միևնույն ժամանակ պարզ մեխանիզմներից է: Խոսքը ինքնասպանությունների մասին է, որը բառիս բուն իմաստով սրբում է հանցագործության հետքերը:

Ինքնասպանություններն առանցքային դեր ունեցան Հոկտեմբերի 27-ի գործը կոծկելու գործում: Պատմությունը կարծես թե կրկնվում է, ձեռագիրը նույնն է: Հետևությունները թողնում ենք ՀՀ իշխանություններին և մեր երկրի իրավական համակարգին:

Դավիթ Ջալալյան

 

 Լուսանկարներ

  Կիսվեք սոցցանցերում


 Պիտակներ
         Հայկ Հարությունյան, Ռոբերտ  Քոչարյան, Դավիթ Ջալալյան, Մարտի 1-ի գործ

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon