Դավիթ Սանասարյանը դատի է տվել ԲՊԱ էթիկայի հանձնաժողովին

Պաշտոնական 19.04.2019   15:59   300

ՀՀ պետական վերահսկողության ծառայության պետ Դավիթ Սանասարյանը հայց է ներկայացրել վարչական դատարան` վիճարկելով ՀՀ բարձրաստիճան պաշտոնատար անձանց էթիկայի հանձնաժողովի որոշումը։

Սանասարյանը դատարանից պահանջում է առ ոչինչ ճանաչել ՀՀ բարձրաստիճան պաշտոնատար անձանց էթիկայի հանձնաժողովի` մարտի 18-ի որոշումը, որով ամրագրվել էր Սանասարյանի թույլ տված էթիկայի կանոնի խախտման փաստը։

Հիշեցնենք` Բարձրաստիճան պաշտոնատար անձանց էթիկայի հանձնաժողովը մարտի 18-ին որոշում էր կայացրել, որով ԵՊՀ ռեկտոր Արամ Սիմոնյանի մասին Դավիթ Սանասարյանի հրապարակային հայտարարությունները որակել էր պաշտոնատար անձին անհարիր։

Իսկ Սանասարյանի` համալսարանում իրականացվող ուսումնասիրությունների մասին հայտարարություններն ու հրապարակային գրառումը, հանձնաժողովի համոզմամբ, կարող էին ընկալվել ու մեկնաբանվել որպես կանխակալ վերաբերմունք և ուժի ցուցադրում։

Նշենք, որ Դավիթ Սանասարյանի դեմ դիմում էր ներկայացրել ԵՊՀ ռեկտոր Արամ Սիմոնյանը։

Հանձնաժողովի որոշման հրապարակումից հետո Դավիթ Սանասարյանը լրագրողների հետ ճեպազրույցում հայտնել էր, որ համաձայն չէ որոշման հետ և այն վիճարկելու է դատական կարգով։

 Լուսանկարներ

  Կիսվեք սոցցանցերում


 Պիտակներ
         Դավիթ Սանասարյան, ԲՊԱ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon