Գագիկ Քամալյան. «Նիկոլի ոչ ճիշտ հաշվարկած քայլը այսօր բանեցվում է նրա դեմ»

Խոսք 07.11.2019   23:00   532

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Ամիսներ առաջ Նիկոլ Փաշինյանը ներողություն խնդրեց Վազգեն Մանուկյանից, նրան համարելով ընտրակեղծիքներից տուժած քաղաքական գործիչ։

Սա ոմանք ընդունեցին իբրև շատ լուրջ քայլ՝ պետությունը կառավարող անձի կողմից, ինչը եթե չխորանանք մանրամասների մեջ, իհարկե բավականին ողջունելի քայլ էր։

Բայց ամեն դեպքում քաղաքականության մեջ մանրամասները շատ հաճախակի կարևոր նշանակություն ունեն, որովհետև դրանք կարող են փոխել ցանկացած գործընթացի տրամաբանությունն ու էությունը։

Հիմա եկեք խոսենք Վազգեն Մանուկյանի հետ կապված մանրամասների մասին, և հասկանանք, թե ինչու՞ չէր կարելի նման սպեցիֆիկայով գործիչից խնդրել ներողություն։

Առաջին ամենակարևոր հանգամանքը այն է, որ Վազգեն Մանուկյանը հավատավոր դեմոկրատ չէ, որովհետև հետագայում նա պաշտպանել է 1996ի ընտրություններից շատ ավելի կեղծված ընտրություններ, իսկ 2008թվականի մարտի 1-ից հետո չի տվել այդ ամենին քաղաքական գնահատակ, և հակառակ այդ ամենին, նա 150- քաղբանտարկյալների առկայությամբ դարձել է հանրային խորհրդի նախագահ, ոչ մի քայլ չձեռնարկելով այդ հակապետական ու հակամարդկային իրավիճակը շտկելու ուղղությամբ։ Ոչ մի անգամ ի պաշտոնե հետևողականորեն չի այցելել Մարտ 1 ոճրագործությանը զոհ գնացածներին, որովհետև անկախ քաղաքական դիրքորոշումից, այդ մարդիկ եղել են հանրության մի մասնիկը։ Սա ցցուց օրինակ է, որը ամբողջովին ցույց է տալիս այս մարդու հակահասարակական էությունը։

Երկրոդ հանգամանքը, դա Վազգեն Մանուկյանի քաղաքական գործնեության նարցիստական պատկերացումներն են, երբ ցանկացած գործընթաց պայմանավորում է սեփական անցյալից կուտակված համակրություններով ու հակակրություններով։ Երբ քաղաքական գործիչը չի կարողանում դուրս գալ սեփական հաջողությունների ու ձախողումների շղթայից, ապա նա կամաց-կամաց մարդկայնորեն էլ է դեգրադացվելու։

Երրոդ հանգամանքը արդեն կապված Փաշինայի հետ։ Այս պնդումս միգուցե մի փոքր բարոյագիտական հարթության մեջ կլինի, բայց պետք է արձանագրենք, որ Նիկոլ Փաշինյանը այդ քայլով բարոյական չգտնվեց 2007-11 թվականների համաժողովրդական շարժման հանդեպ, երբ նա այդ շարժման հիմնական բանախոսներից մեկն էր, և մշտապես իմ նման հասարակ ցուցարարին համոզում էր, որ Լևոն Տեր-Պետրոսյանը պարկեշտ քաղաքական գործիչ է, ինչը տրամաբանորեն նշանակում է, որ ինչ-որ մի պահի Նիկոլի սուբյեկտիվ ընկալումներում 1996 թվականի իրադարձությունները միանշանակ չեն եղել։ Սա շատ կարևոր է, որովհետև չի կարելի պահի ազդեցության տակ շրջել այն դույլը, որը դու անձնուրաց պայքարի միջոցով ես լցրել։

Նիկոլը պետք է հասկանար, որ անկախ ստեղծված իրավիճակից, ոչինչ չի փոխվել քաղաքական դաշտի դասավորություններում։ Ինչպես այն ժամանակ, այնպես էլ հիմա, այդ նույն մարդիկ գտնվում են Ռոբերտի ու Սերժի ղեկավարած ճամբարում, իսկ այն մարդիկ, որոնք պայքարել են իր հետ միասին, այսօր էլ անձնուրացաբար կռիվ են տալիս նույն նպատակների համար...

Այս մասին չէի ուզում խոսել, բայց քանի որ Նիկոլի ոչ ճիշտ հաշվարկած քայլը այսօր բանեցվում է նրա դեմ, ուրեմն պետք է արձագանքել ու օգնել նրան, որ հետագայում չհայտնվի նման մոլորությունների մեջ, որովհետև քաղաքականության մեջ միշտ չէ, որ հնարավոր է լինում սխալները ուղղել։

Գագիկ Քամալյան

 Լուսանկարներ

  Կիսվեք սոցցանցերում


 Պիտակներ
         Վազգեն Մանուկյան, Գագիկ Քամալյան, Նիկոլ Փաշինյան

 Նմանատիպ նյութեր

  НОВОСТИ ПАРТНЕРОВ
 Մեկնաբանություններ 0
Имя *:
Email:
Подписка:1
Код *:

Copyright © 2015 NewsLine. Design created by Fon