Հարութ Ուլոյան.«Արցախը Հայաստան է և վերջ» միտքը հակասում է Արցախի հարցում Հայաստանի որդեգրած քաղաքականությանը

Կարևոր 06.08.2019   22:43   303

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

«Արցախը Հայաստան է և վերջ»: Երբ այս միտքը 30 տարի առաջ Լեոնիդ Ազգալդյանն էր ասում, դա հասկանալի էր, բայց երբ 7 տարի առաջ Սերժ Սարգսյանն էր դա թմբկահարում, իսկ հիմա էլ Նիկոլ Փաշինյանը, ապա այն արդեն վերածվում է անհեթեթության: Եթե մենք 30 տարի անց պետք է ինքներս մեզ համոզենք, որ «Արցախը Հայաստան է և վերջ», ուրեմն մեզ հետ «մի բան էն չի» հաստատ:

Եթե «Արցախը Հայաստան է և վերջ» ու դա ներքաղաքական դեմագոգիա չէ, ապա հենց վաղը ԱԺ արտահերթ նիստ գումարեք ու Արցախը հայտարարեք ՀՀ մաս: Մեր օրերում «Արցախը Հայաստան է և վերջ» մտքի թմբկահարումը նույնպիսի անհեթեթ տավտոլոգիա է, ինչպիսին «Հայը պետք է հայ լինի»-ն:

«Արցախը Հայաստան է և վերջ» միտքը երբեք չի կարող միջազգային հանրությանն ուղղված մեսիջ լինել, քանի որ այն ուղղակիորեն հակասում է Արցախի հարցում Հայաստանի որդեգրած քաղաքականությանն ու «ապացուցում» է Ադրբեջանի այն պնդումները, թե Արցախի հարցը տարածքային վեճ է Հայաստանի և Ադրբեջանի միջև: Եթե մենք կարող ենք թքած ունենալ Ադրբեջանի կարծիքի վրա, ապա միջազգային հանրության կարծիքի վրա դժվար թե կարողանանք թքել: Եթե դա էլ ենք կարող, ապա այդ դեպքում նույնպես` բա էլ ի՞նչն է խանգարում օր առաջ Արցախը Հայաստանի մաս հայտարարելուն:

Իսկ եթե «Արցախը Հայաստան է և վերջ» միտքն ուղղված է «որոշ շրջանակների» դեմ, ովքեր փորձում են Արցախը ծառայեցնել իրենց անձնական շահերին, ապա այս դեպքում «իրերն իրենց անունով կոչելու» փոխարեն խնդրին «համազգային բնույթ» տալը նույնպես անհեթեթ է: Պոպուլիստական հայտարարություններով արթնացրած համազգային էմոցիաները կարելի է օգտագործել «այդ շրջանակներին» ճնշելու նպատակով, սակայն պոպուլիստական հայտարարություններից ձերբազատվելը չափազանց դժվար է լինելու:

Կոռուպցիայի դեմ պայքարելուց առաջ նախ պոպուլիզմից է պետք հրաժարվել:

Հարութ Ուլոյան

 Լուսանկարներ

  Կիսվեք սոցցանցերում


 Պիտակներ
         Հարութ Ուլոյան, ԼՂ

 Նմանատիպ նյութեր

  НОВОСТИ ПАРТНЕРОВ
 Մեկնաբանություններ 0
Имя *:
Email:
Подписка:1
Код *:

Copyright © 2015 NewsLine. Design created by Fon