Հարութ Ուլոյան. Քաղաքական նպատակներով արվող խեղաթյուրումները

Խոսք 07.12.2019   12:00   520

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

1988 թվականի երկրաշարժից անմիջապես հետո ստացվող օգնության թալանի մասին խոսացողները, այդ թալանը ՀՀ առաջին իշխանություններին վերագրողները այն աստիճանի են ամեն ինչ խեղաթյուրում, որ «ստիպված» են լինում «չհիշել», թե ինչպես էր այդ ողջ օգնությունը թալանվում նախքան Հայաստան մուտք գործելը, այն էլ` դեռ ԽՍՀՄ տարիներին: 1989, 1990, 1991 թվականների գրեթե ողջ ընթացքում դեպի Հայաստան մեկնող հազարավոր գնացքները, որոնց զգալի մասը նաև շինտեխնիկա և այլ օգնություն էր տեղափոխում աղետի գոտի, ամբողջովին թալանվում էին Ադրբեջանում, կամ ընդհանրապես մուտք չէին գործում Հայաստան: Իրավիճակն այն աստիճանի էր հասել, որ Հայաստանում գտնվող արտասահմանցի մասնագետները պարապուրթի էին մատնվում` շիտեխնիկայի բացակայության պատճառով:

Այդ տարիներին Հայաստանը արտաքին աշխարհի հետ կապող հիմնական ճանապարհներն անցնում էին Ադրբեջանի տարածքով, Հայաստան մուտք գործող ապրանքների 85 տոկոսը գալիս էր Ադրբեջանի տարածքով: Գազամատակարարումը` նույնպես: Արցախի հարցի զարգացումների հետ կապված և Հայաստանում համաժողովրդական շարժումը ճնշելու համար, Մոսկվայի թողտվությամբ, Ադրբեջանը հենց այդ տարիներից իսկ պարբերաբար ամիսներով կատարյալ շրջափակման էր ենթարկում Հայաստանը:

Երկրաշարժից հետո Հայաստանում գտնվող ԽՍՀՄ ղեկավար Գորբաչովը հեռուստատեսությամբ ապշած վրդովմունք էր հայտնում, որ աղետի գոտի այցելության ժամանակ իրեն հարցեր էին ուղղել ոչ թե երկրաշարժի մասին, այլ` Արցախի հարցի կարգավորման: Նույն այդ ժամանակ դեպքեր են գրանցվել, որ Հայաստան շինտեխնիկա ու մթերք տեղափոխող թալանված գնացքների վագոնների վրա ադրբեջանցիները գրած են եղել «Շնորհավորում ենք»:

Ու հիմա շատերը ոչ միայն այս ամենը «չեն հիշում», այլև` թալանը վերագրում են նորանկախ Հայաստանի իշխանություններին: Հասկանալի է, որ «օտարից ճնշված» լինելու բարդույթն ամեն գնով պետք էր հաղթահարել, բայց դա հաղթահարվել էր Արցախյան փայլուն հաղթանակներով, և դրանից հետո շարունակվող վերագրումներն արդեն բարոյական հարթություն են տեղափոխվում: Առավել ևս` քաղաքական նպատակներով արվող խեղաթյուրումները:

Հարութ Ուլոյան

Հիշեցնենք, 1988 թվականի դեկտեմբերին «Ղարաբաղ» կոմիտեի բոլոր անդամները ձերբակալվել են և պահվել Մոսկվայի տարբեր բանտերում։ 

 Լուսանկարներ

  Կիսվեք սոցցանցերում


 Պիտակներ
         Հարութ Ուլոյան

 Նմանատիպ նյութեր

  НОВОСТИ ПАРТНЕРОВ
 Մեկնաբանություններ 0
Имя *:
Email:
Подписка:1
Код *:

Copyright © 2015 NewsLine. Design created by Fon