Հարությունյան. Վայոց Ձորի մարզպետարանի Արամ Գրիգորյան անունով մի չինովնիկ չի խորշում կեղծիքներ ու զեղծարարություններ անելոց

Խոսք 30.09.2019   11:50   437

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Ներընտանեկան վեճերն ամենաբարդն են։ Դրանք ցավոտ են, միանշանակ չեն, ունենում են բազմաթիվ երեւացող ու աներեւույթ շերտեր։ Երկու կողմերն էլ, որպես կանոն, ունենում են իրենց ճշմարտությունը, որը կասկածից դուրս են համարում, փորձում են այն մատուցել շրջապատին ու, եթե գործը հասել է դատարան, ապա՝ դատարանին։

Երբ այս կարգի խնդիրներով ինձ դիմում են՝ աշխատում եմ դրանց մեջ շատ չմտնել՝ մասնակից ու կողմ չդառնալ։ Ի ուրախություն ինձ՝ իմ միջավայրում նման դեպքեր քիչ են հանդիպում։ Վստահ եմ, նման հարցերը պետք է ներընտանեկան լուծում ստանան, իսկ եթե արդեն հասել են դատարան, ապա առանց անօրինական եւ կողմնակի մասնակցության ու ազդեցության պետք է դատական կարգով լուծվեն։
Վայք քաղաքում ինձ ծանոթ նման ցավոտ մի խնդիր կա, ինչին ես, իմ սկզբունքից ելնելով, մինչեւ այս պահը, մասնակից չեմ եղել։ Բայց օրերս տեղեկացա, որ Վայոց Ձորի մարզպետարանի Արամ Գրիգորյան անունով մի չինովնիկ՝ ծանոթով, բարեկամական կապերից դրդված կամ այլ կարգի շահագրգռվածություններից ելնելով՝ իր նախընտրած կողմին աջակցելու նպատակով օգտագործում է իր պաշտոնական դիրքը, չի խորշում անգամ կեղծիքներ ու զեղծարարություններ անելուց։ Անհիմն ու շինծու եզրակացություններ ու տեղեկանքներ է փորձում տրամադրել դատարանին, հորինվածքներ է տարածում, սուտ տեղեկություններ է տրամադրում գործով հետաքրքրվող պատգամավորին։ Ասենք՝ Մանե Թանդիլյանը քաղաքացու դիմումի մասին հարցում է անում, իսկ նրան մարզպետարանից պատասխանում են, թե քաղաքացու դիմումը անստորագիր լինելու պատճառով անհետեւանք է թողնվել։ Այնինչ դիմումը եղել է պատշաճ շարադրված, ստորագրված ու մուտքագրված։ Կամ՝ մանկահասակ երեխայի վերաբերյալ՝ ցուցումով կամ առանց ցուցումի (սա դեռ պետք է պարզվի) մանկապարտեզից անհիմն, անհասկանալի ու շինծու բնութագիր են կազմում, բայց այս կապակցությամբ մարզպետարան գնացած բողոքը մնում է անպատասխան։ Հարազատներն ստիպված երեխային այլ մանկապարտեզ են տեղափոխում, որ մինչ ծնողների վեճի դատական հանգուցալոիծումը զերծ մնա տրավմաներից ու ավելորդ բարդություններից։
Որքան կարողացա հասկանալ, այս ամենի հեղինակն ու կազմակերպիչը մարզպետարանի հոգաբարձուների խորհրդի նախագահ Արամ Գրիգորյանն է, որի որդին՝ նույն մարզպետարանի աշխատակից, մարզպետի օգնական Հարություն Գրիգորյանը այժմ կալանավորված է փոխգնդապետ Արա Մխիթարյանի հետ տեղի ունեցած միջադեպի պատճառով։ Բոլորս տեղյակ ենք՝ զինվորականը կոմայի մեջ է։
Իհարկե, չարախնդալու տեղը չէ, սեփական ընտանիքում եղած բացթողումները չնկատելու, բայց այլոց դասեր տալու ու այլոց ընտանիքների հարցերն ըստ սեփական նախասիրության ու շահագրգռվածության լուծելու փորձը մատնանշելու պահը չէ, բայց չինովնիկին կարգի հրավիրել, զգաստացնել պետք է։
Թող ապաքինվի փոխգնդապետ Մխիթարյանը եւ շարունակի բանակում իր ծառայությունը, թող ազատ արձակվի, չդատապարտվի ու տուն վերադառնա Գրիգորյանի որդին՝ Հարությունը, բայց Արամ Գրիգորյանը պետք է իմանա, որ կեղծիքներ ու զեղծարարությունները անել չի կարելի։ Դրանք հեշտ բացահայտվող ու հեշտ ապացուցվող են՝ եթե մեկը դրանք բացահայտելու խնդիր դնի իր առջեւ։

Չգիտեմ, թե Վայոց ձորի մարզպետարանի աշխատակիցներից իմ ընկերների ցանկում ովքեր կան, որ նշեմ։ Հուսամ՝ առանց նշելու էլ մարդիկ կնկատեն գրությունս, կարձագանքեն ու այն անհետեւանք չի մնա։
Վերջում ավելացնեմ, որ խնդիրն առնչվում է քրոջս որդու ընտանիքին։

Վարդան Հարությունյան

 Լուսանկարներ

  Կիսվեք սոցցանցերում


 Պիտակներ
         Վայոց ձորի մարզպետարան, Արամ Գրիգորյան, Վարդան Հարությունյան

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon