Հայաստանի Անվտանգության խորհրդի քարտուղարը հանդիպեց ամերիկյան փորձագետների հետ

Հայաստան 23.05.2019   10:00   118

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Ամերիկայի Ձայն. ԱՄՆ-ում աշխատանքային այցով գտնվող Հայաստանի Անվտանգության խորհրդի քարտուղար Արմեն Գրիգորյանը German Marshal Fund հաստատությունում հանդիպեց ամերիկացի փորձագետների հետ ու պատասխանեց վերջիններիս հարցերին:

Հեղափոխությունը Հայաստանում հանգեցրեց բազմաթիվ ներքին փոփոխությունների, նշում է Հայաստանի Անվտանգության խորհրդի քարտուղար Արմեն Գրիգորյանը, ով աշխատանքային այցով գտնվում է Միացյալ Նահանգներում:

German Marshal Fund հաստատությունում ամերիկացի փորձագետների հետ հանդիպման ընթացքում նա ընդգծեց, որ խաղաղ թավշյա հեղափոխությունը նոր հնարավորություններ է բացել Հայաստանի առջև՝ արդար ընտրությունների միջոցով ձևավորելով հանրային վստահություն վայելող իշխանություն:

«Հայաստանում հանրային վստահությունը զգալիորեն փոխվեց կառավարության նկատմամբ, որը մեծ հնարավորություններ է ստեղծում փոփոխություններ իրականացնելու համար»,- նշում է Գրիգորյամնը:

Տնտեսական զարգացումը, հետագա ժողովրդավարացումն ու անվտանգության ապահովումը գործող իշխանությունների հիմնական օրակարգային ոլորտներն են: Նա ընդգծում է իշխանության վճռականությունը բարեփոխելու այդ ոլորտները: Սակայն, այդ ուղղությամբ կան լուրջ մարտահրավերներ, որոնցից է, ըստ Գրիգորյանի, դատական գործող համակարգը: Վեջինիս բարեփոխումը նա դիտարկում է որպես հեղափոխության երրորդ փուլ, որն արդեն հայտարարված է:

Այս առումով անհրաժեշտ է անցումային արդարադատության կիրառում միջազգային հանրության փորձառության ու հանրային վստահության աջակցության միջոցով: Արմեն Գրիգորյանը կարևորում է այս հարցում խորհրդարանի դերը որպես բարեփոխումը իրականացնող հիմնական մարմին:

Հայաստանի տնտեսության հիմնական խնդիրներից Գրիգորյանն առանձնացրեց մենաշնորհները, որոնց վերացման ուղղությամբ նոր իշխանությունների ձեռնարկած քայլերը տվել են դրական արդյունքներ:

«Նոր իշխանությունների առաջին ձեռնարկած քայլերից էր բոլոր այն խոչընդոտների վերացումը, որոնք արգելում էին նոր ընկերությունների մուտքը մենաշնորհային շուկաներ, ինչպիսիք էին օրինակ շաքարավազի կամ բանանի ներմուծումները»,- ասում է Գրիգորյանը:

Նրա մատնանշած կարևոր այլ ոլորտներից են պետական ծախսերի արյունավետությունն ու կոռուպցիայի դեմ պայքարը:

«Կոռուպցիայի գործոնը զգալիորեն ազդում էր պետական ծախսերի ոլորտի վրա: Այժմ կոռուպցիան զգալի չափով նվազել է: Կարող ենք արձանագրել, որ վերին օղակներում այն չկա, իսկ եթե բացահայտվի, ապա մեղավորները կպատժվեն: Կոռուպցիան անընդունելի է»,- նշում է Գրիգորյանը:

Արտասահմանյան ուղիղ ներդրումներն ու Հայաստանում ենթակառուցվածքների զարգացումը այն հիմնական ուղղություններն են, որոնք, ըստ Գրիգորյանի, կնպաստեն Հայաստանի տնտեսական զարգացմանը: Երկու ուղղությամբ էլ ակտիվ աշխատանքներ են իրականացվում: Այստեղ ևս կարևոր է արդար դատական համակարգի առկայությունը:

Անվտանգության և արտաքին քաղաքական օրակարգին անդրադառնալով՝ Անվտանգության խորհրդի քարտուղարն ընդգծեց, որ դեռևս հեղափոխության օրերին հայտարարվել էր, որ Հայաստանի արտաքին քաղաքականությունը փոփոխության չի ենթարկվելու, սակայն արտաքին քաղաքական բոլոր ուղղությունները պետք է արդյունավետ կերպով օգտագործվեն:

Խոսելով Հայաստանի ամենակարևոր արտաքին հիմնախնդրի՝ ղարաբաղյան հակամարտության մասին՝ Գրիգորյանն ընդգծեց Լեռնային Ղարաբաղի՝ բանակցային սեղանի շուրջ վերադառնալու անհրաժեշտությունը, որն, ըստ նրա, ոչ թե ձևաչափի փոփոխություն է, այլ նախկին ձևաչափի վերականգնոմ: Նա կոչ արեց միջազգային հանրությանը աշխատել Լեռնային Ղարաբաղի հանրության հետ՝ անկախ կարգավիճակին առնչվող վերապահումների։

 

 Լուսանկարներ

  Կիսվեք սոցցանցերում


 Պիտակներ
         ԱՄՆ, ՀԱԽՔ, Արմեն Գրիգորյան

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon