Հայաստանը բարելավել է դիրքը Խաղաղության համաշխարհային վարկանշային աղյուսակում

Խաղաղության համաշխարհային ռեյտինգում Հայաստանը բարձրացել է 118-րդ հորիզոնական՝ նախորդ տարվա 120-րդ հորիզոնականի փոխարեն։ Այս վարկանիշով Հայաստանը եզրափակում է խաղաղասիրության «միջին» մակարդակ ունեցող երկրների շարքը, ինչպես և նախորդ տարի։

Ի տարբերություն Հայաստանի՝ Ադրբեջանը շարունակում է մնալ խաղաղասիրության ցածր մակարդակ ունեցող երկրների շարքում, թեև նույնպես բարձրացել է երկու հորիզոնականով ու հասել է 130-րդ տեղին դիտարկված 163 երկրների շարքում։ Ընդհանրապես, Հայաստանն ու Վրաստանը տարածաշրջանում շրջապատված են սպառնալից կարմիր գույնով ներկված երկրներով, որոնք զբաղեցրել են հետևյալ տեղերը․

• Իրան – 139 (խաղաղասիրության «ցածր» մակարդակ),
• Թուրքիա – 152 (խաղաղասիրության «շատ ցածր» մակարդակ),
• Ռուսաստան – 154 (խաղաղասիրության «շատ ցածր» մակարդակ)։