ՀՊՄՀ Restart. ՀՊՄՀ ուսանողական խորհուրդը խախտել է ՀՀ «Տեղեկատվության ազատության մասին» օրենքը

Հայաստան 05.02.2019   22:18   228

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

ՀՊՄՀ Restart նախաձեռնությունը հայտարարություն է տարածել.

««ՀՊՄՀ Ռեստարտ» ուսանողական-քաղաքացիական նախաձեռնությունը 2018 թվականի նոյեմբերի 29-ին Հայկական պետական մանկավարժական համալսարանի ուսանողական խորհրդին ուղարկել է տեղեկատվություն ստանալու հարցում, որտեղ մասնավորապես նշված էր՝

ՀՀ ԿԳ նախարարության կողմից արդյոք հաստատվա՞ծ է ՀՊՄՀ ներկայիս ուսանողական խորհրդի կանոնադրությունը։ Եթե այո, խնդրում եմ նշել՝ ե՞րբ է հաստատվել և ուղարկել սույնը հաստատող որևէ փաստաթուղթ։

Հարցումը տալուց անցել է «Տեղեկատվության ազատության մասին» ՀՀ օրենքով սահմանված 5-օրյա, ինչպես նաև լրացուցիչ աշխատանք պահանջող հարցերի համար տրամադրվող 30-օրյա ժամկետը, սակայն ՀՊՄՀ ուսանողական խորհուրդը չի տվել բովանդակային ոչ մի պատասխան, ուստի խախտվել են «Տեղեկատվության ազատության մասին» ՀՀ օրենքի 6-րդ և 9-րդ հոդվածները։

Նշենք նաև, որ մինչ այդ ուսանողական խորհրդին ուղարկվել է ևս մեկ հարցում, որտեղ մասնավորապես նշված էր․

1. Խնդրում եմ տրամադրել 2015-2018 թվականների ընթացքում ՀՊՄՀ Ուսանողական խորհրդի կողմից կազմակերպված բոլոր միջոցառումների արձանագրությունները։
2. Խնդրում եմ տրամադրել 2015-2018 թվականների ընթացքում ՀՊՄՀ Ուսանողական խորհրդի կողմից կազմակերպված բոլոր միջոցառումների համար օգտագործված միջոցների ֆինանսական հաշվետվությունները։

Սույն հարցմանը ՀՊՄՀ ուսանողական խորհուրդը պատասխանել է ժամանակին, սակայն՝ ՈՉ ՊԱՏՇԱՃ կերպով, հարցմանն ի պատասխան մասնավորապես նշելով`

2015-2018 թվականների ընթացքում ՀՊՄՀ ուսանողական խորհրդի կողմից կազմակերպված բոլոր միջոցառումները և դրանց նպատակները հիմնվել են ՀՊՄՀ ուսանողական խորհրդի կանոնադրության «Ուսանողական խորհրդի խնդիրները և նպատակները» դրույթի 1-ին,2-րդ, 3-րդ, 4-րդ, 5-րդ, 6-րդ և 7-րդ կետերին:

Ուսանողական խորհրդի 2015-2018 թվականներ ընթացքում կազմակերպված, ներկայումս ընթացքի մեջ գտնվող և ապագայում ծրագրվող միջոցառումների և ծրագրերի մասին կարողա եք տեղեկանալ ՀՊՄՀ ուսանողական խորհրդի կայքից և ՀՊՄՀ ուսանողական խորհրդի Facebook սոցիալական կայքի էջից:

Նշենք, որ ՀՊՄՀ ուսանողական խորհրդի պաշտոնական կայքի «Ծրագրեր» բաժնը բացարձակապես դատարկ է, և կայքում տեղ գտած ինֆորմացիայի մի մասը չի համապատասխանում իրականությանը։

ՀՊՄՀ ուսանողական խորհուրդը ըստ ուխ կանոնադրության ներկայացնում է ուսանողների շահերը։ Այն գործում է նաև վերջիններիս ֆինանսավորմամբ, հետևաբար պարտավոր է հաշվետու և բաց լինել իր շահառուներին։

«Տեղեկատվության ազատության մասին» ՀՀ օրենքը՝
https://www.arlis.am/documentview.aspx?docID=1372

Հ․Գ․Նշենք նաև, որ ՀՊՄՀ ուսանողական խորհուրդը նախկինում խախտել է «Հանրակրթության մասին» ՀՀ օրենքը՝ 4-րդ հոդվածի 8-րդ մասով՝ ծավալելով ապօրինի գործունեություն։

ՀՀ Կրթության և գիտության նախարարությունը հանդիսանում է ՀՊՄՀ ուսանողական խորհրդի լիազորված մարմին, հետևաբար խնդրում ենք Ձեր դիրքորոշումը տվյալ խնդիրների վերաբերյալ։

Շնորհակալություն»։

ՀՊՄՀ Restart

 Լուսանկարներ

  Կիսվեք սոցցանցերում


 Պիտակներ
         ՀՊՄՀ, ՀՊՄՀ Restart, ՀՊՄՀ ուսխորհուրդ

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon