«Ժամանակ». Սա դիվերսիա է․ նախկին ուժերի խուճապն իրենց մատնում է

Կարևոր 30.01.2019   09:25   640

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

«Ժամանակ»-ի զրուցա­կիցն է ՀԱԿ մամուլի խոսնակ Արման Մուսինյանը:

- Ռոբերտ Քոչարյանի պաշտպան Ռուբեն Սահակյանը հայտարարել է. «Հայաստանի նախագահը անձեռնմխելի է, և այն նորմը, որով Ռոբերտ Քոչարյանին մեղադրանք է առաջադրվել՝ տեղին չէ.  հիմնավոր կասկածը բացակայում է։ Սահմանադրական կարգ տապալելու փորձ կատարվել է Լևոն Տեր-Պետրոսյանի և նրա շրջապատի կողմից»: Ինչո՞ւ այսօր և այսպիսի տոնայնությամբ, ի՞նչ եք կարծում:

- Ընդհանրապես այս պլանավորված, կազմակերպված, քարոզչական ստի և կեղծիքի վրա հիմնված դիվերսիան արդեն տևական ժամանակ է, որ հասարակական-քաղաքական շրջանակներում ներարկվում է այն մարդկանց կողմից, ովքեր հեղափոխությունից հետո հասկանալով, որ իրենց հանցանքներն արդեն բացահայտվում են, ստիպված ամեն հնարավոր ստի և կեղծիքի գնով փորձում են խուսափել պատասխանատվությունից: Ձեր նշած անձը, որպես փաստաբան, սպասարկում է և նաև արդեն քաղաքական հայտարարություններ է անում: Այս ամբողջը նույն տրամաբանության մեջ է:

- Ընդդեմ ո՞ւմ:

- Մեծ հաշվով՝ նպատակը հետևյալն է. իրենք կատարել են ծանրագույն հանցանք պետության և ժողովրդի նկատմամբ, մտածել են, որ անպատիժ են մնալու, վայելելու են իրենց հանգիստը և ժողովրդից կեղեքված հարստությունն ու ունեցվածքը: Հայաստանում տեղի է ունեցել հեղափոխություն, իշխանափոխություն, և նոր իշխանությունը խնդիր է դրել բացահայտել Մարտի 1-ի ծանրագույն  հանցագործությունը, և նրանք նպատակ ունեն ամեն գնով պլստալ արդարադատությունից, դրա համար իրենք պատրաստ են մեղադրել ինձ, Ձեզ, Աստծուն, աշխարհի բոլոր ուժերին, միայն թե իրենց վրայից դա կարողանան գցել: Քանի որ 2008թ. նախագահի թեկնածուն Տեր-Պետրոսյանն է եղել, բնականաբար հիմնական թիրախը պետք է նա դառնար և այն իշխանությունը, որն այսօր փորձում է բացահայտել Մարտի 1-ը: Այս առումով զարմանալու բան չկա: Ավելին ասեմ՝ այդ խուճապը, որ տիրում է իրենց մոտ, իրենց մատնում է, և այն մտքերը, որ հնչեցնում են, ցույց է տալիս, թե ինչքանով են անպատրաստ իրենց իսկ պաշտպանությանը, որովհետև այն փաստարկները, որ բերում են, ուղղակի ծիծաղելի են և միայն խղճահարություն են հարուցում:

- Մի նորություն նկատեմ. Մարտի 1-ի գործի օբյեկտիվության վերաբերյալ վերջերս կասկածներ սկսեցին հնչել նաև Արցախից, սա ի՞նչ միտում է:

- Կարծում եմ՝ հարցն իրենց պետք է տալ, կարծում եմ, որ շատ աննպատակահարմար է և սխալ, որ Արցախի իշխանության ներկայացուցիչները նման դիրքորոշումներ են հայտնում, որովհետև մեկ երկրի պաշտոնական ներկայացուցիչները փորձում են կասկածներ հայտնել երկրորդ երկրի արդարադատության և իրավապահ համակարգի գործունեության նկատմամբ, ինչը տեղին չէ. սա իմ կարծիքն է, բայց թե դա որքանով է տեղավորվում այսօրվա հարաբերությունների մեջ, այդ հարցին, կարծում եմ, պիտի ուշադրություն դարձնեն նաև իշխանությունները:

- Իսկ միգուցե մարդկայնորեն պաշտպանում են իրենց մարտական ընկերներին, ովքեր հայտնվել են այս թնջուկում:

- Նախ՝ որքանով ես լսել եմ, ինձ մոտ տպավորություն էր, որ նման կարծիք հայտնող մարդիկ ուղղակի տեղյակ չեն գործի մանրամասներին, որովհետև եթե տեղյակ լինեին և նույնիսկ մարտական ընկերներ լինեին, չեմ պատկերացնում մի մարդ, որը այդ մեղադրանքների պարագայում և ապացույցների բեռի տակ նման բան կասեր: Եթե մարդկայնորեն է, հասկանում եմ, բայց պաշտոնական ներկայացուցիչները նաև կաշկանդված են իրենց պաշտոնական գործունեությամբ: Որևէ պաշտոնյա չի կարող իր խելքի ուզածն անել, որովհետև կաշկանդված է իր կարգավիճակով և գործառույթներով:

- Օրինակ՝ Սեյրան Օհանյանը ստիպված եղավ 0038 հրամանից որոշ պարզաբանումներ անել, սա պարզ ինքնապաշտպանությո՞ւն է, թե՞ այլ տիրույթում պետք է դիտարկենք:

- Գիտենք՝ Ս. Օհանյանին նույնպես մեղադրանք է առաջադրվել, և նա էլ պիտի փորձի պաշտպանվել, բայց այդ հրամանը և մեղադրանքը, ըստ իս, այնքան հիմնավոր է, որ այդ արդարացումները հեռու տանող դրական հետևանքներ իրենց համար չեն կարող ունենալ:

- Բանը հասել է նրան, որ անգամ վիճելի է դարձել, թե բանակը Մարտի 1-ի իրադարձություններին ներքաշված է եղել, թե ոչ: Հիմա դիսկուրսը դրա շուրջ է:

- Դիսկուրս չկա, կա փորձ՝ ստով, կեղծիքով, մանիպուլյացիայով խեղաթյուրել ակնհայտ փաստերը և փորձել խուսափել, փախչել պատասխանատվությունից… Այստեղ կան փաստեր, որոնց վերաբերյալ չեն կարող տարբեր մոտեցումներ լինել, փաստերն իրենք խոսում են իրենց մասին: Եվ փորձել վիճելի սարքել անվիճելին, փորձել անհասկանալի դարձնել պարզը և հասկանալին, անում են միայն նրանք, ովքեր շահագրգռված չեն անվիճելիի, ճշմարիտի և հասկանալիի հաղթանակով:

- Տեղեկատվական այս փոթորիկն ում էր ձեռնտու, այն էլ իրարամերժ ֆիլմերի զգայական ֆոնին:

- Շատ պարզ է, որ ձեռնտու է նրանց, ովքեր շահագրգռված չեն Մարտի 1-ի գործի բացահայտմամբ, և ովքեր շահագրգռված չեն Հայաստանում ժողովրդավարության հաստատմամբ, որովհետև Մարտի 1-ի չբացահայտումը Հայաստանին չի թողնելու դառնալ ժողովրդավարական երկիր: Եվ այն ուժերը, որոնք այս հարձակումն սկսել են, ունեն այդ հստակ նպատակը, և դա բացառապես անձնական մոտիվացիա ունի. իրենք ուզում են խուսափել այդ ոճրագործության համար պատասխանատվություն կրելուց…

- Հարցերի հարցը մնում է այն, թե ով է կրակել և ում հրամանով:

- Պատասխանը մեկն է, չէր կարող կրակել այլ մեկը, քան իշխանության կողմից գործադրված իրավապահ համակարգը. իրավապահ համակարգը չէր կարող հրաման ստանալ այլ մարդուց, քան երկրի բարձրագույն ղեկավարությունն է… Դատարանում հրամանը կբացվի, և բոլորը կտեսնեն, ո՞ւր են փախչելու: Եվ եթե նման հրաման չի տրվել, և ինչ-որ մարդիկ կրակել են, այդ դեպքում ինչու այդ մարդիկ չեն պատժվել, ինչու ոչինչ չի արվել, որ այդ  մարդիկ բացահայտվեն… Ստով երկար ճանապարհ չեն կարող գնալ:

 Լուսանկարներ

  Կիսվեք սոցցանցերում


 Պիտակներ
         Արման Մուսինյան, «Ժամանակ», ՀԱԿ

 Նմանատիպ նյութեր

  НОВОСТИ ПАРТНЕРОВ
 Մեկնաբանություններ 0
Имя *:
Email:
Подписка:1
Код *:

Copyright © 2015 NewsLine. Design created by Fon