Կեղծվել են բենզինի և դիզելային վառելիքի ստուգաչափման վկայականներ. հարուցվել է քրգործ

Հայաստան 25.12.2019   10:00   216

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

ՀՀ շուկայի վերահսկողության տեսչական մարմնի կողմից  ստացված գրության հիման վրա ՀՀ գլխավոր դատախազության պետական շահերի պաշտպանության վարչությունում ձեռնարկված ուսումնասիրության արդյունքում պարզվել է, որ Գեղարքունիքի մարզում գործող՝ ավտոմոբիլային բենզինի (ԱԻ-92 K5) և դիզելային վառելիքի (ԴՎ-Ա K5) մանրածախ վաճառքով զբաղվող ընկերությունում իրականացված չափումների միասնականության վերաբերյալ ստուգման շրջանակներում հարուցված վարչական գործի քննության ընթացքում այդ ընկերության տնօրենը ներկայացրել է ստուգաչափման 2015թ-ից մինչև  2017թ․ուժի մեջ լինելու թվագրմամբ վկայականների պատճեններ։ Այս մասին  տեղեկացնում են ՀՀ գլխավոր դատախազության հանրային կապերի բաժնից։

«Մինչդեռ, «Չափագիտության ազգային ինստիտուտ» ՓԲԸ-ից ստացված տեղեկության համաձայն՝ ընկերությունը նշված ժամանակահատվածում չի ներկայացրել ստուգաչափման հայտ, ուստի այդ ընթացքում չափման միջոցների ստուգաչափում չի իրականացվել: Ավելին, ըստ այդ տեղեկատվության, ներկայացված վկայականներում որպես լաբորատորիայի վարիչ նշված անձը 2014-2018թթ․ աշխատել է որպես գիտական չափագրության բաժնի գիտաշխատող, իսկ որպես ստուգաչափող նշված անձը դեռևս 2016 թվականի հունվարին ազատվել է աշխատանքից: Այսինքն նշված ժամանակահատվածում վերջինս ստուգաչափում կատարելու լիազորություն չի ունեցել։

Այսպիսով, արձանագրված փաստերը վկայում են, որ օրենսդրական չափագիտական հսկողության ենթակա վառելիքաբաշխիչ աշտարակները ստուգաչափված չեն եղել և ընկերության կողմից ծառայությունները մատուցվել են չստուգաչափված չափման միջոցներով, սակայն, ՀՀ շուկայի վերահսկողության տեսչական մարմնին ընկերության տնօրենի կողմից ներկայացվել են ստուգաչափման առերևույթ կեղծ վկայականներ։

Ուսումնասիրության արդյունքներով ՀՀ գլխավոր դատախազության պետական շահերի պաշտպանության վարչությունում վերը նշված փաստի առթիվ հարուցվել է քրեական գործ՝ ՀՀ քրեական օրենսգրքի 325 հոդվածի 1-ին մասով նախատեսված հանցագործության հատկանիշներով։

Նախաքննության կատարումը հանձնարարվել է ՀՀ քննչական կոմիտեին։

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»,- ասվում է հաղորդագրության մեջ:

 Լուսանկարներ

  Կիսվեք սոցցանցերում


 Պիտակներ
         կեղծիք, դատախազություն, Գեղարքունիքի մարզ

 Նմանատիպ նյութեր

  НОВОСТИ ПАРТНЕРОВ
 Մեկնաբանություններ 0
Имя *:
Email:
Подписка:1
Код *:

Copyright © 2015 NewsLine. Design created by Fon