Լևոն Զուրաբյան. «Հրայր Թովմասյանը յուրացրել է իշխանությունը» (տեսանյութեր)

Կարևոր 18.10.2019   18:01   526

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Հայ ազգային կոնգրես կուսակցության փոխնախագահ Լևոն Զուրաբյանը կարծում է, որ Հրայր Թովմասյանը ՍԴ նախագահ է դարձել ապօրինությամբ՝ օրենքի խախտմամբ: «Արմենպրես»-ի հաղորդմամբ՝ Զուրաբյանը նման տեսակետ հայտնեց ԱԺ-ում լրագրողների հետ զրույցում:

Նա մասնավորապես նշեց, որ Հրայր Թովմասյանն առանց օրինական կարգով իր պատգամավորական մանդատը վայր դնելու, ստանձնել է Սահմանադրական դատարանի նախագահի պարտականությունները: Նրա կարծիքով՝ շտապողականությունը, այդ թվում՝ Գագիկ Հարությունյանի լիազորությունների վաղաժամկետ դադարեցումը եղել են կոորդինացված:

«Եթե այդ բոլոր անօրինականությունները չարվեին, նա իր պաշտոնում կնշանակվեր ընդամենը 6 տարով: Տեղի է ունեցել ապօրինություն, Սահմանադրության կոպիտ խախտում, ինչի արդյունքում Հրայր Թովմասյանը յուրացրել է իշխանությունը, 11 տարով երկարացրել է իր պաշտոնավարման ժամկետը»,-ասաց Զուրաբյանն ու հավելեց՝դա հանցագործություն է, որը պետք է քննվի, պատասխանատուները պատժվեն:

ՀԱԿ փոխնախագահի կարծիքով՝ այդ գործընթացում ներգրավված են եղել մի շարք բարձրաստիճան անձինք ու կառույցներ: Նա դիտավորություն չտեսավ նրանում, որ թեև Թովմասյանը ԱԺ-ի կողմից ՍԴ նախագահ է ընտրվել 2018-ի մարտին, սակայն նրան հիմա են ցանկանում իր լիազորություններից զրկել:

«Նույն կերպ կարող ենք ասել, որ Մարտի 1-ի հանցագործությունը տեղի է ունեցել 2008-ին, իսկ իշխանությունները դրան հիմա են ընթացք տալիս: Կա ընտրված իշխանություն, ստեղծվել է մի մթնոլորտ, որում իրավապահ մարմինները կարող են իրենց գործառույթները կատարել, նախկինում չէին կարողանում կատարել»,-նշեց նա:

Զուրաբյանը շեշտեց՝ իրենց կարծիքով՝ ՍԴ-ն ձևավորված է իշխանության յուրացման արդյունքում, հետևաբար՝ Հայաստանում պետք է իրականացնել լեգիտիմ իշխանության ստեղծման վերջին ակտը: Նա դա պատկերացնում է հետևյալ կերպ՝  իշխանության համապատասխան մարմինները՝ կառավարությունը, նախագահը և Դատավորների ընդհանուր ժողովը պետք է նշանակեն ՍԴ դատավորներին: Զուրաբյանի կարծիքով՝ հիմա կառույցում կա 2 դատավոր, 7-ին դեռ պետք է նշանակեն:

Հիշեցնենք,  ԱԺ պատգամավոր Արման Բաբաջանյանի կողմից ՀՀ գլխավոր դատախազին հաղորդում է ներկայացվել մի խումբ պաշտոնատար անձանց կողմից պետական իշխանությունը յուրացնելու առերևույթ հանցագործության դեպքի կապակցությամբ: Հաղորդման հիման վրա ՀՀ հատուկ քննչական ծառայությունում նախապատրաստված նյութերով որոշում է կայացվել ՀՀ քրեական օրենսգրքի 300-րդ հոդվածի 1-ին մասով քրեական գործ հարուցելու մասին:

 

 

 Լուսանկարներ

  Կիսվեք սոցցանցերում


 Պիտակներ
         Հրայր Թովմասյան, ՍԴ, ԱԺ, լսումներ, Լևոն Զուրաբյան

 Նմանատիպ նյութեր

  НОВОСТИ ПАРТНЕРОВ
 Մեկնաբանություններ 0
Имя *:
Email:
Подписка:1
Код *:

Copyright © 2015 NewsLine. Design created by Fon