«Լուսավոր Հայաստանին» չհաջողվեց պաշտոնանկ անել Ջանջուղազյանին

18.04.2019   12:00   187

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Ազգային ժողովում քննարկվեց Ատոմ Ջանջուղազյանի պաշտոնանկության հարցը: «Լուսավոր Հայաստան» խմբակցությունը շրջանառության մեջ է դրել «Կառավարության առանձին անդամի պաշտոնանկության հարցը վարչապետի քննարկմանն առաջարկելու մասին ԱԺ որոշման» նախագիծը։
Ջանջուղազյանի պաշտոնանկությանը կողմ քվեարկեց 41 պատգամավոր, դեմ` 67, ձեռնպահ էր մեկը։

Նախքան քվեարկությունը կսկսվեր` «Իմ քայլը» խմբակցության ղեկավար Լիլիթ Մակունցըհայտարարեց, որ իրենք դեմ ենք քվեարկելու «Լուսավոր Հայաստանի» առաջարկին։

«Բարգավաճ Հայաստան» խմբակցության անդամ Միքայել Մելքումյանն էլ ավելացեց, որ իրենք կողմ են քվեարկելու առաջարկին: ««Բարգավաճ Հայաստան» խմբակցությունը երեկ ակտիվ մասնակցել է հարցուպատասխանին, և քննարկումը ցույց տվեց, որ մենք պարզ հարցերի պատասխանները չստացանք»,- ասաց Մելքումյանը:

Հիշեցնենք, որ Ջանջուղազյանին աշխատանքից ազատելու առաջարկն ապրիլի 17-ին ԱԺ–ի նիստում հնչեցրել էր «Լուսավոր Հայաստան» խմբակցության ղեկավար Էդմոն Մարուքյանը:

Ավելի վաղ պետական ծառայողների թվաքանակի առաջիկա կրճատման հարցի քննարկումների ընթացքում Մարուքյանը հայտարարել էր, որ վարչապետը պետք է պաշտոնից ազատի Ջանջուղազյանին։ Պատգամավորը նշեց, որ ֆինանսների նախարարությունը այդպես էլ չի պարզաբանել, թե որ գերատեսչություններում և ինչ քանակի աշխատակիցներ են մտադիր կրճատել, և որքան գումար արդյունքում կտնտեսվի։

ՀՀ ֆինանսների նախարար Ատոմ Ջանջուղազյանն այսօր կառավարության նիստում հայտարարեց, որ իր հարգալից վերաբերմունքը ԱԺ–ի նկատմամբ թյուր կերպով է մեկնաբանվել` որպես անհարգալից։
Անդրադառնալով իր պաշտոնանկության մասին «Լուսավոր Հայաստանի» հարցապնդմանը` նախարարը նշեց. «Ուզում եմ նաև ասել, որ այսօր իմ բացակայությունն այդ հարցի քննարկման ընթացքում նույնպես մեկնաբանվել է որպես անհարգալից։ Ուղղակի ուզում եմ, որպեսզի ամեն ինչ հստակ լինի` ԱԺ կանոնակարգը որևէ մասնակցություն ԱԺ ներքին հարցի քննարկմանը չի նախատեսում»։

Վարչապետ Նիկոլ Փաշինյանը ևս շեշտեց, որ ԱԺ–ի և ԱԺ պատգամավորների նկատմամբ հարգանքը որևէ այլընտրանք չունի։

Այդուհանդերձ, վարչապետն առաջարկեց.«Եթե դա կարևոր է, չեմ կարծում, թե դժվար է ԱԺ բոլոր քննարկումներին ապահովել ՀՀ կառավարության ներկայացուցիչների ներկայությունը»։

Նիկոլ Փաշինյանը հրահանգեց քննարկել ու մշակել անհրաժեշտ իրավական փոփոխություններ, որպեսզի նման իրավիճակներ այլևս չլինեն։

 Լուսանկարներ

  Կիսվեք սոցցանցերում


 Պիտակներ
         Ատոմ Ջանջուղազյան, «Լուսավոր Հայաստան»

 Նմանատիպ նյութեր

  НОВОСТИ ПАРТНЕРОВ
 Մեկնաբանություններ 0
Имя *:
Email:
Подписка:1
Код *:

Copyright © 2015 NewsLine. Design created by Fon