Լուսինե Հակոբյան. Իշխանությունը պետք է պարզաբանումներ պահանջի Վենետիկի հանձնաժողովից
Վենետիկի հանձնաժողովի կայքում նայեցի, գրված էր, որ ՎՀ-ի սույն անդամները գալիս են քննարկելու դատական օրենսդրքի դատավորների բարեվարքությանը և կարգապահական պատասխանատվությանը վերաբերող փոփոխությունները:
Շատ դժվար եմ պատկերացնում, որ սույն տիկնանց հետ հյուրանոցի սրճարանում հենց այս հարցերն են քննարկել ու նաև կարծում եմ, որ նախկինների հետ նման ոչ ֆորմալ հարաբերությունները պետք է բացառվեն: Հակառակ դեպքում դժվար է պատկերացնել, որ Վենետիկի հանձնաժողովը երբևէ կկարողանա վերակագնել հայ հասարակության շրջանում իր մեղմ ասած սասանված հեղինակությունը:
Կարծում եմ, որ իշխանությունն անպայմանորեն պետք է անդրադառնա այս հարցին ու պարզաբանումներ պահանջի Վենետիկի հանձնաժողովից: Սա նույնքան աննորմալ է, որքան Հրայր Թովմասյանի առանձնատեսակցությունը Ռուսաստանի դեսպանի հետ:
Արփինե Հովհաննիսյանի և Էլինար Վարդանյանի հետ հանդիպած Վենետիկի հանձնաժողովի անդամներն են․ Մարտին Կուիջերը՝ Նիդերլանդներից ընտրված անդամ, Նիկոլաէ Էսանուն՝ Մոլդովայից ընտրված անդամ, Յոհան Հիրշֆելդը՝ Շվեդիայից ընտրված անդամ և Գրիգորի Դիկովը՝ Վենետիկի հանձնաժողովի քարտուղարության անդամ։