Մեկնարկել է Փաշինյանի պաշտոնական այցը Գերմանիա

Այսօրվանից  մեկնարկում է ՀՀ վարչապետ Նիկոլ Փաշինյանի  երկօրյա պաշտոնական այցը Գերմանիա:

Փաշինյանը ելույթ է ունենալու Քյոլնի տեխնիկական համալսարանում, պատասխանելու է բուհի դասախոսների, ուսանողների հարցերին, վարչապետին ընդունելու է Քյոլնի քաղաքապետը, օրվա երկրորդ կեսին Նիկոլ Փաշինյանը հանդիպելու է հայ համայնքի շուրջ 600 ներկայացուցիչների հետ, Գերմանիայում բնակվող հայերը վարչապետին հարցեր ուղղելու հնարավորություն կունենան:

Վաղը Բեռլինում տեղի կունենան պաշտոնական հանդիպումները. իր նստավայրում Հայաստանի վարչապետին ընդունելու է Գերմանիայի կանցլեր Անգելա Մերկելը:

Երկու երկրների ղեկավարները ճաշի սեղանի շուրջ քննարկում կանցկացնեն, բանակցությունների ավարտին Մերկելն ու Փաշինյանը հանդես են գալու մամուլի ասուլիսով: