Փաշինյան. Հայաստանում կառավարման համակարգը հենված է եղել կոռուպցիայի վրա (տեսանյութ)

Կարևոր 05.08.2019   10:00   141

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Վարչապետ Նիկոլ Փաշինյանը ֆեյսբուքյան իր էջի ուղիղ եթերում ներկայացրեց 2014թ.-ին, նախկին իշխանությունների  կազմած գաղտնի զեկույց, որը, նրա բնորոշմամբ, հանգեցնում է այն եզրակացության, որ նախկին կառավարման համակարգը հիմնված է եղել կոռուպցիայի վրա, ու «երբ կոռուպցիան հանում ես, պարզվում է տակը կառավարման համակարգ չկա»։

«Այս զեկույցը տալիս է ամբողջական պատկերացում այն մասին, թե ինչ վիճակում է եղել կամ հիմա ինչ վիճակում է Հայաստանը, որովհետև այն պրոբլեմները, որոնց մասին այստեղ գրված է, մեկ տարվա ընթացքում հնարավոր չէր շտկել»,- նշեց Փաշինյանը՝ հավելելով.

«Շատ կարևոր է արձանագրել, թե ինչ իրավիճակում ենք մենք ժառանգել Հայաստանը։ Եզրակացությունն այն է, որ մեր երկիրը գտնվում է ինստիտուցիոնալ կաթվածահար վիճակում, պետական ինստիտուտները կաթվածահար են և մեր պետությունը ձախողված է»։

Փաշինյանն ընդգծեց, որ ներկայիս կառավարությունը, ըստ էության, պետք է զրոյից ստեղծի ինստիտուտներ, որոնք կլուծեն պետության առջև կանգնած խնդիրները՝ մատնանշելով, օրինակ, դատական, պետական գնումների համակարգերը։

«Մեզ շատ ամուր նյարդեր են պետք այն առումով, որ ոչ թե պետք է խուճապահար վազենք բոլոր հարցերի հետևից, այլ պետք է ունենանք մարտավարական և ռազմավարական  առաջնահերթություններ, և հերթով, առանց տուրք տալու էմոցիանալ ֆոներին, պետք է լուծենք այդ ինստիտուցիոնալ պրոբլեմները»,- շեշտեց վարչապետը։

Նիկոլ Փաշինյանին այդ խնդիրների լուծման համոզմունք է ներշնչում  հասարակական դրական վերաբերմունքն իշխանությունների գործողություններին՝ Իջևանի դեպքերի և հասարակության որոշակի խմբերի համար արտոնյալ վարկերի հնարավորություն տալու և հարկային բեռի թեթևացման առումով։

Նա կարևորեց հարկային օրենդրության փոփոխությունները, մասնավորապես, միկրոբիզնեսը 2020-ից հարկերից ազատելու վերաբերյալ, և ներառական տնտեսությանն անցնելը։ Փաշինյանի գնահատմամբ՝ դա նախկինում սահմանափակում էր օլիգարխիան, որ միջոցները գեներացվեն իրենց հսկողությամբ, և դրանք օգտագործվեն իրենց քաղաքական նպատակներով։ «Հիմա մեր գործն է վերացնել այդ սահմանափակումները, որ հնարավորինս մեծ թվով  մարդիկ մասնակցեն ՀՆԱ-ի ստեղծմանը»,- նշեց Փաշինյանը՝ նկատելով, որ տնտեսական հեղափոխությունը կլինի անշրջելի, երբ ՀՆԱ-ի ստեղծմանը հնարավորինս շատ մարդ մասնակցի իր տնտեսական գործունեությամբ։

ՀՀ վարչապետը վերոնշյալ զեկույցից ընթերցեց մի հատված, այն է՝ «Կանայք թեև հասուն տարիքում կազմում են երկրի բնակչության մեծամասնությունը, նրանք խիստ սահմանափակ են օգտագործվում որպես ռեսուրս», և կարևորեց հատկապես միկրոբիզնեսում կանանց ներգրավումը, որպեսզի կանայք ընձեռված հնարավորություններից օգտվեն և կբարձրացնեն իրենց ընտանիքների սոցիալական վիճակը։

«Գիտեմ դեպքեր, որ ամուսինները չեն թողնում կանանց ձեռնարկատիրությամբ զբաղվել՝ թե ոնց կլինի դու բիզնես անես, ու պարզվի, որ դու մեր ընտանիքին ավելի շատ եկամուտ ես բերում։ Որքան էլ ես՝ որպես տղամարդ, սա կարող եմ հասկանալ, որպես վարչապետ չեմ կարող հասկանալ, որովհետև նոր իրողության պայմաններում անտրամաբանական է, որ կա ընտանիքի սոցիալական վիճակը բարելավելու հնարավորություն, բայց թույլ չի տրվում դա անել»։

 

 Լուսանկարներ

  Կիսվեք սոցցանցերում


 Պիտակներ
         Նիկոլ Փաշինյան

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon