Պատմության այս օրը. հուլիսի 3

Օրացույց 03.07.2019   09:30   161

2013 - Զինվորականները պաշտոնանկ են անում Եգիպտոսի նորընտիր նախագահ Մուհամեդ Մուրսիիին։ Գործող նախագահ է նշանակվում Ադլի Մանսուրը:

2006 - 2004 XP 14 աստերոիդն անցնում է Երկրի մակերևույթից 432 308 կմ հեռավորության վրա:

1996 - Բորիս Ելցինը երկրորդ անգամ ընտրվում է Ռուսաստանի նախագահ, ստանալով քվեների 53.82%-ը (կոմունիստների առաջնորդ Գենադի Զյուգանովը՝ 40.41%):

1992 - Հայաստանի ֆուտբոլի ֆեդերացիան դարձավ ՖԻՖԱ-ի անդամ:

1988 - Ավարտվում է Բոսֆորի վրայով Եվրոպան Ասիային միացնող Սուլթան Մեհմեթ կամրջի շինարարությունը:

1988 - ԱՄՆ-ի ռազմածովային ուժերի Vincennes ռազմական նավը հրթիռ արձակեց իրանական մարդատար ինքնաթիռի վրա, ինչի արդյունքում զոհվեցին ինքնաթիռում գտնվող բոլոր 290 ուղևորները:

1971 - Ծնվել է ավստրալացի հրատարակիչ և համացանցային ակտիվիստ Ջուլիան Ասանժը։

Հիմնականում ճանաչում է գտել որպես ՎիքիԼիքսի՝ համացանցային բացահայտման կայքի խոսնակ և գլխավոր խմբագիր։ Նախքան կայքի հետ աշխատելը, նա ֆիզիկայի և մաթեմատիկայի ուսանող և համակարգչային ծրագրավորող է եղել։

1962 - Ծնվել է ամերիկացի դերասան, պրոդյուսեր, ռեժիսոր, սցենարիստ Թոմ Քրուզը։

Հանդիսատեսին հայտնի է «Անձրևի մարդը», «Հատուկ կարծիք», «Առաքելությունն անիրագործելի է. Ֆանտոմ պրոտակոլը», «Վանիլային երկինք» և «Օրվա ասպետը» ֆիլմերից։ Թոմ Քրուզը համարվում է ամենաթանկ վարձատրվող դերասաններից մեկը։ Եռակի «Ոսկե գլոբուս» մրցանակակիր է և երեք անգամ առաջադրվել է «Օսկար» մրցանակի։

1956 - Լեհաստանի կառավարությունը հրեաներին թույլատրում է արտագաղթել Իսրայել:

1948 - Ալբանիան սկսում է երկրից վտարել Հարավսլավիայի քաղաքացիներին:

1944 - Սովետական զորքերը ֆաշիստներից ազատագրում են Մինսկը:

1916 - Կայացավ Տիտանիկ նավի կործանման գործով առաջին դատը:

1890 - Այդահոն դառնում է ԱՄՆ 43-րդ նահանգը:

1885 - Կառլ Բենցը փորձարկեց իր ստեղծած ավտոմեքենան:

1883 - Ծնվել է հրեական ծագմամբ գերմանալեզու գրող Ֆրանց Կաֆկան։

Հիմնական ստեղծագործություններն են վեպերը («Դատավարություն», «Դղյակ», «Կերպարանափոխություն», «Ամերիկա» և այլն) և բազմաթիվ պատմվածքներ։ Կաֆկայի ստեղծագործությունների մեծամասնությունը տպագրվել են հեղինակի մահից հետո։

1854 - Ծնվել է չեխ երգահան, երաժշտագետ-ազգագրագետ և մանկավարժ Լեոշ Յանաչեկը։

Գրել է բազմաթիվ գործիքային և վոկալ ստեղծագործություններ։ Նրա օպերաները պատկանում են 20-րդ դարի երաժշտական թատրոնի լավագույն ստեղծագործությունների թվին։

 Լուսանկարներ

  Կիսվեք սոցցանցերում


 Պիտակներ
         Թոմ Քրուզ, Ջուլիան Ասանժ, Լեոշ Յանաչեկ, հուլիսի 3, Պատմության այս օրը, Ֆրանց Կաֆկա

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon