Պատմության այս օրը. փետրվարի 15

Օրացույց 15.02.2020   09:30   405
  • Քաղցկեղով հիվանդ երեխաների միջազգային օրն է։

2013 - Տեղական ժամանակով 9։ 20-ին երկնաքարն ընկնում է Չելյաբինսկ քաղաքի մոտակայքում։ Հարվածային ալիքից ջարդվում են շենքերի ապակիներ, վնասվում են շենքեր։

2011 - Լիբիայում քաղաքացիական պատերազմ սկսվեց:

1999 - Քենիայում ձերբակալվում է Քրդական բանվորական կուսակցության առաջնորդ Աբդուլլահ Օջալանը:

1989 - Ավարտվեց խորհրդային զորքերի դուրսբերումը Աֆղանստանից (սկսվել էր 1988թ. մայիսի 15-ից)։

1984 - Մարզահամերգային համալիրը հրդեհվեց:

1965 - Հաստատվում է Կանադայի դրոշը։

1961 – ԱՄՆ-ից Բելգիա թռչող Sabena ընկերության ինքնաթիռը վթարի ենթարկվեց, մահացավ 72 մարդ, որոնց մեջ էին նաև ԱՄՆ-ի չմշկասահքի հավաքականի անդամները:

1950 - Ուոլթ Դիսնեյ ստուդիայի նկարահանած «Մոխրոտիկը» մուլտֆիլմի պրեմիերան։

1947 - ԽՍՀՄ-ում արգելվեցին խորհրդային քաղաքացիների և օտարերկրացիների միջև ամուսնություննները:

1933 - Մայամիում Ջուզեպե Ձանգարան անհաջող մահափորձ է կատարում ԱՄՆ նորընտիր նախագահ Ֆրանկլին Ռուզվելտի նկատմամբ։

1923 - Հունաստանը դառնում է Գրիգորյան օրացույցն ընդունած վերջին երկիրը։

1903 - Ֆրանսիացի հասարակական-քաղաքական գործիչ Ժան Ժորեսը Փարիզում հանդես եկավ ճառով, որով քննադատեց 1894-96 թվականների աբդուլհամիդյան ջարդերի ժամանակ եվրոպական տերությունների դիրքորոշումը և վարվելակերպը Հայաստանի հանդեպ:

Картинки по запросу Ժան Ժորես

1903թ. այս օրը ֆրանսիացի հասարակական-քաղաքական գործիչ Ժան Լեոն Ժորեսը Փարիզում հանդես եկավ ճառով, որով քննադատեց 1894-1896թթ. աբդուլհամիդյան ջարդերի ժամանակ եվրոպական տերությունների դիրքորոշումը, Հայաստանի նկատմամբ վարվելակերպը։

Քաղաքագետ և պատմաբան Ժան Լեոն Ժորեսը ծնվել է 1859թ. սեպտեմբերի 3-ին: 1904թ. նրա ջանքերով հիմնադրվել է «Հումանիտե» թերթը:

Իր հրատարակություններում, հոդվածներում և ելույթներում Ժ. Ժորեսը բազմիցս հանդես է եկել Օսմանյան կայսրությունում հայերի դեմ իրականացվող հալածանքների ու զանգվածային սպանությունների քննադատությամբ:

Իր հրատարակություններում, հոդվածներում և ելույթներում Ժ. Ժորեսը բազմիցս հանդես է եկել Օսմանյան կայսրությունում հայերի դեմ իրականացվող հալածանքների ու զանգվածային սպանությունների քննադատությամբ:

1896թ. նոյեմբերի 3-ին, 1897թ. փետրվարի 22-ին և 1897թ. մարտի 15-ին Ֆրանսիայի խորհրդարանում արտասանած իր ճառերում դատապարտելով հայկական կոտորածները և եվրոպական երկրների` մասնավորապես Ֆրանսիայի անտարբերությունն այդ հարցի վերաբերյալ, նա նշում է. «Ինչպիսի կատարյալ լռություն լրատվության կողմից, որին ինձ հայտնի մի կուսակցություն ուղղակի կամ անուղղակի վճարել է լռելու համար, լռություն իր մեծ հանդեսից, որի գլխավոր ներդնողները օսմանյան շահառուներն են, սակայն, հատկապես Ֆրանսիայի կառավարության լռությունը: Ինչպես ամբողջ այդ հեղեղված արյան առջև, այդ ոչնչացումների և վայրագությունների առջև, Ֆրանսիայում խոսքի և մարդու իրավունքների այս ճնշման առջև ոչ մի ճիչ դուրս չեկավ ձեր բերաններից, ոչ մի խոսք դուրս չեկավ ձեր գաղափարներից, և դուք լուռ վկա եք, հետևաբար ջարդերի կատարյալ մեղսակից…»:

Ժ. Ժորեսն արձագանքել է նաև 1909թ. Կիլիկիայի ապրիլյան կոտորածներին:
Երկար տարիներ Ժ. Ժորեսը եղել է նաև Pro Armenia երկշաբաթաթերթի խմբագրական կոմիտեի անդամ:

Ժ. Ժորեսը սպանվել է 1914թ. հուլիսի 31-ին Փարիզում Ռաուլ Վիլենի կողմից: Թաղվել է Փարիզի Պանթեոնում:

Հայոց ցեղասպանության թանգարան-ինստիտուտը թողարկել է հոբելյանական բացիկ` ֆրանսիացի նշանավոր քաղաքական գործիչ ու հայասեր Ժ. Ժորեսի 150-ամյա հոբելյանի կապակցությամբ:

1885 - Ծնվել է գրող, բժիշկ Ռուբեն Սևակը։

Картинки по запросу ruben sevak

1882 - Ծնվել է թատրոնի և կինոյի ամերիկացի դերասան Ջոն Բերիմորը։

Դերասանուհի Դրյու Բերիմորի պապն է։ Առավել հայտնի է թատրոնում խաղացած շեքսպիրյան դերերով։

1861 - Ծնվել է ֆրանսիացի ֆիզիկոս, Նոբելյան մրցանակակիր Շարլ Էդուար Գիյոմը։

1820 - Հանս Քրիստիան Էրստեդը հայտնաբերեց էլեկտրականության մագնիսական գործունեությունը:

1810 - Փարիզի Արևելյան լեզուների դպրոցում հիմնադրվեց հայոց լեզվի ամբիոն` Հակոբ Շահան Ջրպետյանի ղեկավարությամբ:

1564 - Ծնվել է իտալացի ֆիզիկոս, մեխանիկ, աստղագետ, փիլիսոփա, մաթեմատիկ Գալիլեո Գալիլեյը։

Картинки по запросу galileo galiley

Գալիլեյը մեծ ազդեցություն է թողել իր ժամանակի գիտության վրա։ Նա առաջինն է օգտագործել հեռադիտակը երկնային մարմինները դիտելու համար ու մի շարք խոշոր տիեզերական հայտնագործություններ է արել։ Գալիլեյը նաև էքսպերիմենտալ ֆիզիկայի հիմնադիրն է։ Իր փորձարկումներով նա հերքել է Արիստոտելի մտատեսական մետաֆիզիկան ու դրել է դասական մեխանիկայի հիմքերը։

Ողջ կյանքի ընթացքում եղել է աշխարհի արևակենտրոն համակարգի ակտիվ կողմակից, որն էլ բերել է կաթոլիկ եկեղեցու հետ լուրջ կոնֆլիկտի։

 Լուսանկարներ

  Կիսվեք սոցցանցերում


 Պիտակներ
         Պատմության այս օրը, Ռուբեն Սևակ, փետրվարի 15, Ժան Ժորես, Գալիլեո Գալիլեյ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon