Պատմության այս օրը. փետրվարի 16

Օրացույց 16.02.2020   09:30   330

2006 - Եվրոպառլամենտը բանաձև ընդունեց, որտեղ դատապարտում էր Ջուղայի խաչքարերի ոչնչացումը:

2005- Սկսեց գործել Կիոտոյի արձանագրությունը:

1986 - Սովետական Միությունը գործի է դրել «Միր» կայանը։

1976 - Հայկական գաղտնի բանակի մի գրոհային Բեյրութում սպանեց Թուրքիայի դեսպանատան առաջին քարտուղար Օթար Սիրիտին, երբ նա Խամրա Սթրիթի ընդունարանում էր։ Գրոհայինին հաջողվեց թաքնվել։

1968 - ԱՄՆ-ի Ալաբամա նահանգի Հեյլեվիլ քաղաքում սկսեց գործել «911» փրկարար ծառայության առաջին ստորաբաժանումը:

1965 - Ծնվել է հայազգի հայտնի հեռացատկորդ, Եվրոպայի, ԽՍՀՄ-ի ու հանրապետության բազմակի չեմպիոն, Եվրոպայի ռեկորդակիր Ռոբերտ Էմմիյանը։

Картинки по запросу Ռոբերտ Էմմիյան

Էմմիյանի ռեկորդը 8.86 մետր է, որը մինչև այժմ Եվրոպայի մրցույթների ռեկորդ է։ Նա այդ ցատկը կատարել է Ծաղկաձորում, 1987 թ-ի մայիսին։

16 տարեկանում Ռոբերտ Էմմիյանը ցատկել է 7,77 մետր, ինչը իր տարիքային խմբի մեջ աշխարիհի ռեկորդ է: 1986 թվականին ավարտել է Լենինականի մանկավարժական ինստիտուտը։ Հեռացատկի ԽՍՀՄ բազմակի (1981-1988), ԽՍՀՄ ժողովուրղների 9-րդ սպարտակիադայի (1986), Եվրոպայի առաջնությունների կրկնակի (1986, 1987) չեմպիոն, աշխարհի առաջնության 2-րդ մրցանակակիր (1987)։ Եվրոպայի ռեկորդակիր (8 մ 86 սմ, 1987)։

9 տարի որպես մարզիչ է աշխատել Կատարում, այնուհետև եղել է Կատարի Օլիմպիական կոմիտեի նախագահի խորհրդական։ 2010 թվականի ապրիլից Հայաստանի աթլետիկայի ֆեդերացիայի նախագահն է[1]։

1988 թվականի երկրաժաշրժից հետո Էմմիյանը տեղափոխվեց Ֆրանսիա և այժմ բնակվում է Փարիզում։ Ունի երկու դուստր՝ Ֆիոնան և Լորենը։

1941 - Ծնվել է Հյուսիսային Կորեայի պետական, կուսակցական ու ռազմական գործիչ, երկրի նախկին առաջնորդ Կիմ Չեն Իրը։

1934 - Ավստրիայում ավարտվեց 4 օր տևած քաղաքացիական պատերազմը:

1927 - Հանրապետության ժողկոմխորհը հաստատեց ԵՊՀ նոր կանոնադրությունը, որի համաձայն համալսարանում սկսեցին գործել հետևյալ հինգ ֆակուլտետները` սոցիալ-տնտեսական, մանկավարժական, գյուղատնտեսական, բժշկական և տեխնիկական:

1923 - Հովարդ Քարտերը բացեց Թութանհամոն փարավոնի դամբարանը։

1921 - Վրաց մենշևիկների տնօրինությանը հանձնված, այսպես կոչված «Լոռու չեզոք գոտում» վրացական կառավարության դեմ ապստամբությունը հաղթեց: Գոտու բոլոր գյուղերում ծածանվեց սովետական Հայաստանի դրոշը:

1919 - Նյու Յորքում ցուցադրվեց Հայոց Ցեղասպանության մասին առաջին ֆիլմը` «Հոգիների աճուրդ»:

1918 - Լիտվան հռչակեց իր անկախությունը Գերմանիայից ու Ռուսաստանից:

1916 - Առաջին աշխարհամարտում ռուսական զորքերը գրավեցին Հյուսիս-արևելյան Թուրքիայի Էրզրում քաղաքը։

1822 - Ծնվել է անգլիացի հետազոտող, երկրաբան, մարդաբան ու հոգեբան Ֆրենսիս Գալտոնը։

Դիֆերենցիալ հոգեբանության ու հոգեչափության հիմնադիրն է։

Похожее изображение

Հայտնի է մարդկային ինտելեկտի հետազոտություններով։ Դրան է նվիրված «Մարդկային ունակությունների ու դրանց զարգացման հետազոտությունը» գիրքը, որտեղ նկարագրված են հոգեբականական թեստավորման հիմքերը։

Զբաղվել է ժառանգականության հարցերով, առաջինն է սկսել միաձու երկվորյակների ուսումնասիրությունը։

Գալտոնն է հայտնաբերել նաև ուլտրաձայնի աղբյուրներից մեկը՝ Գալտոնի սուլոցը։

1568 - Իսպանական ինկվիզիցիան Հոլանդիայի բոլոր բնակիչների մահվան դատավճիռն է արձակում։

 Լուսանկարներ

  Կիսվեք սոցցանցերում


 Պիտակներ
         Պատմության այս օրը, Ֆրենսիս Գալտոն, փետրվարի 16, Ռոբերտ Էմմիյան, Հայոց ցեղասպանություն

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon