Պատմության այս օրը. փետրվարի 18

Օրացույց 18.02.2020   09:30   423

1994 - ԼՂՄ ինքնապաշտպանական ուժերը վերագրավեցին նախորդ տարվա դեկտեմբերին կորցրած Օմարի լեռնանցքը:

1993 - Թուրքմենսստանի նախագահ Սապարմուրատ Նիյազովը խնդրեց դադարել փողոցներն ու ձեռնարկություններն անվանել իր անունով։

1986 - Բորիս Ելցինն ընտրվեց ՍՄԿԿ ԿԿ Պոլիտբյուրոյի անդամության թեկնածու։

1979 - Սահարա անապատում ձյուն է տեղացել։

1977 - Երևանում բացվեց ականավոր զորավար Գայի (Հայկ Բժշկյանցի) արձանը։

1954 - Ծնվել է ամերիկացի ճանաչված դերասան, նաև երգիչ ու պարող Ջոն Տրավոլտան։

Տրավոլտան Գրեմիի և Ոսկե Գլոբուսի դափնեկիր է։

Ջոն Տրավոլտայի ու Ումա Թուրմանի հանրահայտ պարը Քվենտին Տարանտինոյի «Քրեական հորինվածք» ֆիլմում։

1933 - Ծնվել է ավանգարդ ոճի նկարչուհի, Ջոն Լենոնի այրի Յոկո Օնոն։

Картинки по запросу

1932 - Ծնվել է կինոռեժիսոր Միլոշ Ֆորմանը։

Ֆորմանը որպես «Լավագույն ռեժիսոր» Օսկարի է ներկայացվել «Ժողովուրդն ընդդեմ Լարի Ֆլինթի» ֆիլմի համար, ստացել է «Ոսկե Գլոբուս», Կաննի կինոփառատոնի, BAFTA, «Սեզար», «Դավիդ դի Դոնատելլո», Եվրոպական ֆիլմերի ակադեմիայի և Չեխական առյուծ կինոմրցանակներ

1930 - ԱՄՆ-ում առաջին անգամ օդ բարձրացավ Էլլի Ֆարմ Օլլի անունով կովը: Թռիչքի ընթացքում կովին կթել են, կաթը թղթե տոպրակների մեջ փաթեթավորել և նետել Սենտ Լուիսի վրայով թռչող օդապարիկների վրա:

1930 - Հայտնաբերվեց Պլուտոն մոլորակը, որը հետագայում դասվեց գաճաճ մոլորակների շարքին։

1921 - Բոլշևիկյան Ռուսաստանի դեմ բարձրացած ժողովրդական ապստամբության մասնակիցները ազատագրեցին Երևանը։ Երևանում ստեղծվեց «Հայրենիքի փրկության կոմիտե»՝ նախկին վարչապետ Սիմոն Վրացյանի նախագահությամբ։

1920 - Հիմնադրվեց Հայաստանի Կարմիր խաչը:

1913 - Ֆրեդերիկ Սոդդին առաջարկեց «իզոտոպ» տերմինը։

1911 - Առաջին անգամ իրականացվեց փոստի առաքումը օդանավով:

1906 - Ծնվել է մարշալ Համազասպ Բաբաջանյանը։

1898 - Ծնվել է իտալացի արշավորդ և գործարար, Ֆերարի ընկերության հիմնադիր Էնցո Ֆերրարին։

Похожее изображение 

Հետաքրքիր փաստեր Ֆերրարիի մասին

  • Ողջ կյանքում Ֆերրարին միայն մի մարդուց է վախեցել՝ իր մորից, նույնիսկ իր փառքի գագաթնակետին հասնելուց հետո։
  • Իր մեքենաների մրցարշավներին Էնցոն չի գնացել։ Դրանք նայել է հեռուստացույցով, հետո սպասել է մրցաշարի վայրից զանգերի։
  • Մինչև կյանքի վերջը Ֆերրարին գրել է միայն փետրագրիչով ու մանուշակագույն թանաքով։
  • Սարսափելի վախեցել է ինքնաթիռներից, ամենաբարձր հարկերն էլ ոտքով է բարձրացել, քանի որ վերելակների խցիկները նրան սարսափի են մատնել։
  • Ամենաբարձր շրջանի այցելուներին էլ նույնիսկ հրատապ գործ չունենալու դեպքում ժամացուցակով է ընդունել, իսկ երբ վերջապես այցելուների առջև բացվել են նրա գրասենյակի դռները, մարդիկ սկզբում մթան մեջ ոչինչ չեն զանազանել՝ բացի վաղ տարիքում մահացած նրա որդու լուսանկարից, որը լուսավորել է փոքրիկ լամպը։ Հետո որոշ ժամանակ անց կարողացել են տեսնել սեղանի առջև մուգ ակնոցներով նստած գրասենյակի տիրոջը։

1516 - Ծնվել է անգլիայի թագուհի Մարիա 1-ին Թյուդորը։ Պատմության հայտնի է որպես Արյունոտ Մերի։

 Լուսանկարներ

  Կիսվեք սոցցանցերում


 Պիտակներ
         փետրվարի 18, Յոկո Օնո, Պատմության այս օրը, Միլոշ Ֆորման, Համազասպ Բաբաջանյան, Էնցո Ֆերրարի, Ջոն Տրավոլտա

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon