Պատմության այս օրը. փետրվարի 22

Օրացույց 22.02.2020   09:30   519
  • Հանցագործությունների զոհերի աջակցության միջազգային օրն է

2011 - Թողարկվեց Վինդոուզ 7 օպերացիոն համակարգի վերջին տարբերակը:

1988 - Արցախյան ազատամարտի ժամանակ սկսվեց Ասկերան-Ստեփանակերտ ռազմավարական ուղղությամբ աղդամցի ադրբեջանցիների բազմահազարանոց ամբոխի զինված հարձակումը, որն ավարտվեց Հյուսիսային Արցախի վրա հարձակումների կասեցմամբ և Բաքվի հայ բնակչության ջարդի ու բռնի տեղահանության գործողություններով:

1975 - Ծնվել է ամերիկացի դերասանուհի Դրյու Բերիմորը։

Картинки по запросу drew barrymore young

Առաջին անգամ էկրաններին հայտնվել է 11 ամսականում։ Սթիվեն Սփիլբերգի «Այլմոլորակայինը» ֆիլմում նկարահանվելուց հետո Դրյու Բերիմորը դառնում է 80-ականների ամենահայտնի երեխա-աստղերից մեկը։
Նկարահանվել է «Չառլիի հրեշտակները», «Բոլորը ասում են՝ ես սիրում եմ քեզ», «Դոնի Դարկո», «Առաջին 50 համբույրները» ֆիլմերում։

1974 - Ծնվել է անգլիացի երգիչ և երաժիշտ, նախկին զինվորական Ջեյմս Բլանտը։

Ծառայել է ՆԱՏՕ-ի զորքերում, ունեցել է կապիտանի կոչում։ 2002 թվականին ծառայությունից դուրս գալու դիմում է գրել ու նվիրվել երաժշտությանը։

1966 - Արձակվում է «Կոսմոս 110» արբանյակը, որում կար երկու շուն՝ Վետերոկն ու Ուգոլյոկը։

1960 - Բեյրութի հայ թատերասիրաց ընկերության թատերախումբը կոչվեց մեծանուն դերասան Վահրամ Փափազյանի անունով:

1939 - Հանրապետության Գերագույն խորհրդի հրամանագրով Երևանի օպերայի և բալետի թատրոնին շնորհվեց Ալեքսանդր Սպենդիարյանի անունը:

1938 - Ծնվել է նշանավոր ռեժիսոր-վավերագրող Արտավազդ Փելեշյանը։

Սերգեյ Փարաջանովը համարում էր նրան «իրական կինեմատոգրաֆիայի սակավաթիվ հանճարներից մեկը»: Նրանով հիանում են Անդրեյ Կոնչալովսկին եւ Ժան-Լյուկ Գոդարը: Ռուս կինոքննադատ Օլեգ Առոնսոնը նշում է, որ «դեռ 70-կաններին նա արդեն համարվում էր համաշխարհային կինեմատոգրաֆիայի դասական»: Նա այսպես կոչված «դիստանցիոն մոնտաժի» տեսության ստեղծողն է: Այս ամենը վավերագրական կինոյի կենդանի դասական Արտավազդ Փելեշյանի մասին է:

1931 - Հայաստանի կենտգործկոմը որոշում ընդունեց հանրապետությունում ռադիոհաղորդումների կոմիտե հիմնելու մասին:

1921 - Ծնվել է իտալացի դերասանուհի Ջուլիետա Մազինին։

Похожее изображение

Եղել է կինոռեժիսոր Ֆեդերիկո Ֆելինիի կինը։ Ջուլիետային անվանել են «Շրջազգեստով Չապլին»։ Ամենահայտնի դերերը խաղացել է ամուսնու ֆիլմերում՝ «Ճանապարհ», «Կաբիրիայի գիշերները», «Ջուլիետան և օծանելիքները»։

1913 - Մեքսիկական հեղափոխությունը, որի ժամանակ սպանվեց նախագահ Ֆրանսիսկո Մադերոն։

1837 - Էջմիածնում հիմնվեց հայկական եկեղեցական բարձրագույն խորհուրդը:

1819 - Ֆլորիդան Իսպանիայից անցավ ԱՄՆ-ին (վաճառվեց 5 միլիոն դոլարով)։

1810 - Ծնվել է լեհ կոմպոզիտոր ու դաշնակահար Ֆրեդերիկ Շոպենը։

1788 - Ծնվել է գերմանացի փիլիսոփա Արթուր Շոպենհաուերը։

  • Միայնության մեջ, ամեն ոք իրեն տեսնում է այնպիսին, ինչպիսին որ կա իրականում:
  • Մենք հազվադեպ ենք մտածում այն մասին՝ ինչ ունենք, սակայն միշտ անհանգստանում ենք այն մասին, ինչ չունենք:
  • Ամեն ոք ուրիշի մեջ նկատում է այն, ինչ կա իր մեջ:
  • Ինքնուրույն դատողությունը՝ շատ քչերի առավելությունն է: Մնացածին ղեկավարում են հեղինակությունը և օրինակը:
  • Հանճարի և խելագարի նմանությունը այն է, որ ի տարբերություն մնացած մարդկանց՝ երկուսն էլ ապրում են մեկ այլ աշխարհում:
  • Մարդու իրական բնավորությունը արտահայտվում է մանրուքներում, երբ նա դադարում է հետևել իրեն:
  • Առողջությունը այնքան է գերազանցում կյանքի մնացած բարիքներին, որ իրոք՝ առողջ աղքատը երջանիկ է հիվանդ թագավորից:
  • Երիտասարդության տեսանկյունից՝ կյանքը անվերջ ապագա է, ծերության տեսանկյունից՝ շատ կարճ անցյալ:
  • Ով դաժան է կենդանիների հանդեպ՝ չի կարող բարի լինել մարդկանց հանդեպ:
  • Կա ի ծնե միայն մեկ թերություն՝ դա այն համոզմունքն է, որ մենք ծնվել ենք երջանիկ լինելու համար:
  • Մարդու դեմքը ավելի շատ ու ավելի հետաքրքիր բաներ է պատմում մարդու մասին, քան շուրթերը: Շուրթերը արտահայտում են մարդու միայն մտքերը, իսկ դեմքը՝ նրա բնույթը:
  • Խելացի կլիներ ավելի հաճախ սա ասեինք ինքներս մեզ. «փոխել ես սա չեմ կարող, մնում է օգուտ քաղել դրանից»:
  • Դու ոչինչ չես կարող անել քեզ շրջապատող բթության դեմ: Բայց իզուր մի անհանգստացիր՝ չէ՞ որ ճահիճը նետած քարը օղակներ չի առաջացնում:
  • Միջակությունը մտահոգված է ինչպես սպանել, իսկ տաղանդը՝ ինչպես օգտագործել ժամանակը:
  • Ով միայնություն չի սիրում՝ նա չի սիրում ազատություն:
  • Յուրաքանչյուր երեխա ինչ-որ առումներով հանճար է, և յուրաքանչյուր հանճար ինչ-որ առումներով երեխա:
  • Մի ասա ընկերոջդ այն, ինչ չպետք է իմանա քո թշնամին:
  • Յուրաքանչյուր մարդու կարելի է լսել, բայց ոչ բոլորի հետ է կարելի զրուցել:

1732 - Ծնվել է Միացյալ նահանգների 1-ին նախագահ Ջորջ Վաշինգտոնը։

 Լուսանկարներ

  Կիսվեք սոցցանցերում


 Պիտակներ
         Ջորջ Վաշինգտոն, Ջուլիետա Մազինի, Դրյու Բերիմոր, Արթուր Շոպենհաուեր, Պատմության այս օրը, փետրվարի 22, Ջեյմս Բլանտ, Արտավազդ Փելեշյան, Ֆրեդերիկ Շոպեն

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon