ՔԿ պետը նոր մանրամասներ ներկայացրեց Վանեցյանի և ՀՔԾ պետի գաղտնալսման գործից

Պաշտոնական 10.06.2020   10:00   427

Ազգային անվտանգության ծառայության նախկին տնօրեն Արթուր Վանեցյանի և Հատուկ քննչական ծառայության պետ Սասուն Խաչատրյանի հեռախոսային խոսակցության գաղտնալսման առթիվ հարուցված քրեական գործի քննությունը դեռ չի ավարտվել: «Արմենպրես»-ի փոխանցմամբ՝ այս մասին հունիսի 9-ին լրագրողների հետ զրույցում ասաց Քննչական կոմիտեի նախագահ Հայկ Գրիգորյանը` կրկնելով նախկինում արած իր հայտարարությունը, որ գործն արդեն բացահայտված է:

«Գործի քննությունն ավարտված չէ, որովհետև մենք մեր մի շարք արտասահմանյան գործընկերների ուղարկել ենք քննչական պահանջ, որը, երբ կկատարվի, կուղարկվի, դրա արդյունքների ամփոփմամբ նոր որոշում կկայացնենք»,- ասաց Գրիգորյանը:

Ավելի վաղ ՔԿ նախագահը հայտարարել էր, որ քրեական գործը բացահայտված է, իսկ Ազգային անվտանգության ծառայության տնօրենի և Հատուկ քննչական ծառայության պետի հեռախոսային խոսակցության գաղտնալսման ֆայլը տարածվել է ԱՊՀ տարածքից:

ՀԻշեցնենք, որ 2018 թվականի սեպտեմբերի 11-ին էլեկտրոնային լրատվության միջոցներում տարածվել էր ՀՀ ազգային անվտանգության ծառայության տնօրեն Արթուր Վանեցյանի և ՀՀ հատուկ քննչական ծառայության պետ Սասուն Խաչատրյանի միջև տեղի ունեցած հեռախոսազրույցի ձայնագրությունը:

 Լուսանկարներ

  Կիսվեք սոցցանցերում


 Պիտակներ
         Սասուն Խաչատրյան, գաղտնալսում, Արթուր Վանեցյան, Հայկ Գրիգորյան

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon