ՍՏՈՐԱԳՐԱՀԱՎԱՔ. Ցուցադրե՛ք «Հայաստանի կորսված գարունը» Հանրայինի եթերում: Հիմա՛

Մարտի 1 19.01.2019   14:01   1367

ՊԱՀԱՆՋՈՒՄ ԵՆՔ Հայաստանի Հանրային հեռուստատեսության եթերում ցուցադրել «Հայաստանի կորսված գարունը» փաստավավերագրական ֆիլմը

Հաշվի առնելով Հայաստանի Հանրապետությունում տեղի ունեցած համաժողովրդական  հեղափոխությունից հետո ազատ մամուլի ու ազատ խոսքի համար առաջացած հնարավորությունները ինչպես նաև հանրության իրազեկված լինելու և անաչառ տեղեկատվություն ստանալու իրավունքը ինչպես նաև նախորդ տասնմեկ տարիների ընթացքում ապատեղեկատվության և մեդիա մանիպուլյացիաների հսկայածավալ բնույթը, դիմում ենք Հանրային Հեռուստառադիոընկերության խորհրդի նախագահ Ռուբեն Ջաղինյանին՝ պահանջելով Հանրայինի հեռուստատեսության եթերով ցուցադրել Տիգրան Պասկևիչյանի  և Արա Շիրինյանի «Հայաստանի կորսված գարունը» փաստավավերագրական ֆիլմը:

Նախկին ռեժիմի պայմաններում այդ ֆիլմի ցուցադրությունը օբյեկտիվ հանգամանքների բերումով անհնարին էր, քանի որ մերկացնում էր քոչարյանա-սերժական ռեժիմի հանցավոր և մարդասպան բնույթը:

Թավշյա հեղափոխությունից հետո այս ֆիլմի ցուցադրությունը ինչպես նաև Մարտի 1-ի գործի ամբողջական և համակողմանի բացահայտումը դարձել է հրամայական:

Հանրությունը իրավունք ունի իմանալու ողջ ճշմարտությունը Մարտի 1-ի վերաբերյալ:

Մենք՝ ներքոստագրյալ քաղաքացիներս, գտնում ենք, որ պարտադիր է ցուցադրել «Հայաստանի կորսված գարունը» փաստավավերագրական ֆիլմը, որը հասարակությանը անաչառ կներկայացնի 2008թ-ին տեղի ունեցած դեպքերը։

Ստորագրահավաքը՝ ԱՅՍՏԵՂ

 Լուսանկարներ

  Կիսվեք սոցցանցերում


 Պիտակներ
         ստորագրահավաք, Հ1, «Հայաստանի կորսված գարունը», Մարտի 1-ի գործ

 Նմանատիպ նյութեր

  НОВОСТИ ПАРТНЕРОВ
Copyright © 2015 NewsLine. Design created by Fon