«Զբաղվեք երիտասարդներին կրթություն ապահովելով ու նրանցից նացիոնալիստներ, ֆաշիստներ ու կոմսոմոլներ չծեփեք»

Խոսք 03.12.2019   11:00   401

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Հարգելի Arayik Harutyunyan, մինչ մեզ թվում էր, թե մենք ձեզ պաշտպանում ենք հայրենասիրության դրոշի տակ թաքնված նացիոնալիստների, ֆաշիստական ու կոմունիստական բառապաշարով զինված ազգայնականների հարձակումներից՝ ձեր գլխավորությամբ ձեր նախարարության սենյակներում վերահրապարակման էր պատրաստվում ձեր քննադատների արժեհամակարգին համահունչ, տեղ-տեղ անգամ նրանց պատկերացումները գերազանցող մի նախագիծ։

Խոսքը 2017թ․ աշնանը կամ 2018-ի հունվար-փետրվարից շրջանառության մեջ դրված «Երիտասարդների ռազմահայրենասիրական դաստիարակության մասին» նախագծի մասին է, որը ժամանակին քննադատվեց ու, որքան հասկացանք, հեղափոխությունից հետո կասեցվել էր։

Համաձայն կրկին հրապարակված այս նախագծի ձեր նախարարությունն իր առաջ խնդիր է դնում պահպանել հայկական գենոֆոնդը (կբացատրե՞ք, ի՞նչ է սա եւ ո՞նց ենք պահպանելու) տալ երիտասարդներին ռազմահայրենասիրական դաստիարակություն, քանի որ, ինչպես պարզվում է՝ «ժամանակակից գլոբալիզացման պայմաններում ազգային և պետական հիմնախնդիրների լուծումը անհնար է առանց ազգային ինքնությունը կրող, ազգային հոգևոր-մշակութային արժեքների պահպանման և զարգացման համար պատասխանատու երիտասարդ սերունդների ռազմահայրենասիրական դաստիարակության պետական համակարգի և ծրագրի»։

Տեսա հրապարակված այս նախագիծը եւ ձեզ ուղղված մի քանի հարց առաջացավ․

  • Կլինի՞, որ զբաղվեք երիտասարդներին բազմակողմանի ու ժամանակակից կրթություն ապահովելով ու նրանցից նացիոնալիստներ, ֆաշիստներ ու կոմսոմոլներ չծեփեք։
  •  Կլինի՞ ազգային գենոֆոնդի պահպանմամբ զբաղվելու փոխարեն թույլ տաք մեր պատանուն ու մեր երիտասարդին աշխարհի ընթացքին համաքայլ ընթանալ, ինտեգրվել համաշխարհային զարգացումների մեջ, ապահովել այդ զարգացումներում ու այդ հոսքում իր/մեր ներկայությունը։
  • Կլինի՞, որ մի կողմ դնեք աշխարհի մասին սովետական պատկերացումը՝ համաձայն որի մենք լավն ենք, իսկ մեզանից դուրս գտնվող ողջ աշխարհը ոչ միայն վատն է, այլ մեզ ոչնչացնելու մոլուցքով է տարված եւ մենք դրանից պաշտպանվելու համար պետք է լինենք ռազմահայրենասեր, դիմադրենք ու դիմակայենք։
  • Եւ, վերջապես, կլինի՞, որ այն հեղափոխությունը, որ հաղթեց փողոցում, որ հաղթեց մեր գյուղերում ու մեր քաղաքներում, որ, հաղթեց ֆեյսբուքում, հաղթի նաեւ ձեր նախարարությունում ու մյուս նախարարություններում։

Իրավապաշտպան Վարդան Հարությունյան

 Լուսանկարներ

  Կիսվեք սոցցանցերում


 Պիտակներ
         Արայիկ Հարություն­յան, Վարդան Հարությունյան, ԿԳՄԵՍ

 Նմանատիպ նյութեր

  НОВОСТИ ПАРТНЕРОВ
 Մեկնաբանություններ 0
Имя *:
Email:
Подписка:1
Код *:

Copyright © 2015 NewsLine. Design created by Fon