Զինծառայողների մահվան հինգ աղմկահարույց քրեական գործ կվերանայվի

Բանակ 15.02.2019   21:00   504

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Բանակում տարիներ առաջ խաղաղ պայմաններում զինծառայողների մահվան աղմկահարույց քրեական գործերի մի մասը կվերաբացվի, դրանք կուսումնասիրվեն հասարակական կազմակերպությունների հետ համատեղ: Քննչական կոմիտեն և 10 իրավապաշտպան հասարակական կազմակերպություններ օրերս համաձայնագիր են կնքել, հայտնում է «Ազատությունը»

Քննչական կոմիտեի նախագահի տեղակալ, զինվորական քննչական գլխավոր վարչության պետ Արտակ Կրկյաշարյանը սա աննախադեպ քայլ է համարում:

«Սա առաջին անգամ է, որ հասարակական կազմակերպությունների հետ կնքվում է համաձայնագիր։ Մեր համար շատ կարևոր է նաև հասարակական վերահսկողությունը, և բոլոր էն դեպքերում, էն գործերով, որոնք որ հանրության համար հետաքրքրություն են ներկայացնում, նաև էն կասկածները, որ էսօրվա դրությամբ առկա են, աշխատանքային գործունեության ընթացքում կա՛մ էդ կասկածները կփարատվեն, կա՛մ կհիմնավորվեն», - ասաց Արտակ Կրկյաշարյանը։

Ստեղծված հասարակական մոնիտորինգի խումբն առաջիկայում կսկսի հինգ քրեական գործի ուսումնասիրություն: Քրեական գործերն ընտրել են բանակի խնդիրներով զբաղվող հասարակական կազմակերպությունները:

Քննչական կոմիտեի և հասարակական կազմակերպությունների հետ համատեղ աշխատանքային խմբում ընդգրկված է զինվորական քննչական գլխավոր վարչության ղեկավար կազմը: Ըստ Կրկյաշարյանի՝ քննիչները անհրաժեշտ դեպքերում կհրավիրվեն պարզաբանումներ ներկայացնելու համար:

«Խորին համոզմամբ՝ աշխատանքային խմբի գործունեության ընթացքում մենք կունենաք բոլոր պատասխանները, և ինչպես մենք, այնպես էլ դուք և հանրությանը կհավաստիանա՝ իրականում տեղ գտե՞լ են կոծկելու, թաքցնելու և նմանատիպ դեպքեր, թե՞ դա որոշակի թյուրըմռնման հետևանք է։ Հավաստիացնում եմ ձեզ, որ յուրաքանչյուր դեպքում, եթե կփաստվի որևէ մեկի կողմից հանցագործության կատարման դեպք, ապա վստահ եղեք, որ պատասխանատվությունը լինելու է անխուսափելի», - ընդգծեց Կրկյաշարյանը։

 

 Լուսանկարներ

  Կիսվեք սոցցանցերում


 Պիտակներ
         ՀՀ ՔԿ, սևազգեստ մայրեր, Արտակ Կրկյաշարյան

 Նմանատիպ նյութեր

  НОВОСТИ ПАРТНЕРОВ
 Մեկնաբանություններ 0
Имя *:
Email:
Подписка:1
Код *:

Copyright © 2015 NewsLine. Design created by Fon